რა აკლია ქალაქში არსებულ სკვერებს? დღეს მაცნეს გადამღებმა ჯგუფმა მოქალაქეების მოსაზრებები მოისმინა. რის საჭიროებას ხედავენ ისინი მოსასვენებელ ადგილზე? სიუჟეტიდან გაიგებთ.
სკვერები მწვანე ნარგავების გარეშე - ასე ახასიათებს ჩვენს მიერ გამოკითხული ბათუმელების ერთი ნაწილი ქალაქში არსებულ მოსასვენებელ ადგილებს.
ამავე კითხვაზე განსხვავებული პასუხი აქვთ ჩვენს მიერ გამოკითხული მოქალაქეების მეორე ნახევარს. ამბობენ, რომ სკვერები მწვანეა, თუმცა დასუფთავება აკლია და მათ მოვლაზე ქალაქმა მეტად უნდა იზრუნოს.
ბათუმელები ატრაქციონების სიმცირეზეც საუბრობენ. ადგილობრივთა თქმით, ქალაქში არსებული გასართობი საშუალებები დაზიანებულია და განახლებას საჭიროებს.
ცხელი ზაფხული და სკვერები წყლის გარეშე - ბათუმელებს ყურადღების მიღმა არც ქუჩებში შადრევნების სიმცირე გამოპარვიათ. ამბობენ, რომ ტურისტულ ქალაქში მსგავსი ინფრასტრუქტურა პრობლემას არ უნდა წარმოადგენდეს.
რა აკლია ქალაქში არსებულ სკვერებს? - ჩვენმა მომდევნო რესპოდენტმა ყველაზე ორიგინალური პასუხი გაგვცა. ამბობს, რომ რთული ეკონომიკური მდგომარეობის გამო ადამიანებს დასვენებისთვის დრო არ აქვთ და სკევერებს ერთადერთი რამ, რაც აკლიათ - ხალხია.
ბათუმში სულ 15 სკვერია. ამათგან ერთ-ერთი უკანასკნელი ზუბალაშვილის ქუჩაზე გასულ წელს გაჩნდა, რომელსაც ჯერჯერობით კონკრეტული სახელი მინიჭებული არ აქვს.
1
s
s
s