19, თებერვალი 2020 21:30:00
ავარიული გზა სოფელ აჭყვისთავში. მოუწესრიგებელი ინფრსატრუქტურის გამო მანქანებს გადააგილება უჭირთ, ბავშვები სკოლებში ვერ დადიან, ზოგიერთ სახლამდე ვერ მიდის სასწრაფო სამედიცინო დახმარების ბრიგადა. ქობულეთის მუნიციპალიტეტის ხელმძღვანლობამ დღეს მაცნესთვის სატელევიო კომენტარის გასაკეთებლად დრო ვერ გამონახა
ეს სოფელი აჭყვისთავია, კადრებში ახლა თქვენ გზის იმ სავალ ნაწილს ხედავთ, სადაც მოსახლეობას გადაადგილება წლებია უჭირს. ადგილობრივთა ინფორმაციით, უამინდობისას გზაზე გადაადგილება განსაკუთრებით რთულდება, თან იმდენად, რომ სასწრაფო დახმარების ჯგუფები პაციენტებამდე დროულად ვერ მიდიან.
ავარიული გზის გამო, ვერც მოსწავლეები დადიან სოფლის სკოლაში, ამიტომ, განათლების მისაღებად მეზობელი სოფლის სკოლაში უწევთ სიარული.
გზის მოწესრიგების მოთხოვნით, ქობულეთის მერიას სოფელი 2013 წლიდან მიმართავს, თუმცა წლების განმავლობაში დაპირების გარდა არაფერი მიუღიათ.
მირიან ქათამაძე ვერ ჩავწერეთ, პრეს-სამსახურში გვითხრეს, რომ მერი შენობაში არ იყო. მოგვიანებით გავარკვიეთ, რომ იგი თავის სამუშაო კაბინეტში იმყოფებოდა, თუმცა მასთან არ შეგვიშვეს. მოგვაწოდეს წერილობითი პასუხი, რომელშიც მხოლოდ მერიის პოზიცია იყო და არა ჩვენს მიერ დასმულ შეკითხვებზე პასუხი.
აჭარის საავტომობილო გზების დეპარტამენში ირწმუნებიან, რომ აჭყვისთავში აღნიშნული პრობლემა წლებს არ ითვლის. ორგანიზაციის წარმოამდგენლის თქმით, მდგომარეობას უახლოეს მომავალში შეისწავლიან და შესაბამის რეაგირებას მოახდენენ.
ავარიული გზით, რომელზეც დღეს ჩვენი რესპონდენტები საუბრობენ, 40-მდე ოჯახი სარგებლობს.