კომისიის ერთ-ერთმა წევრმა ჩვენთან ექსკლუზიურ ინტერვიუში იმ მიზეზებზე ისაუბრა რის გამოც სხდომის დახურვის გადაწყვეტილება მიიღეს. ნინო უტიაშვილის თქმით, პროცესის მიმდინარეობისას ურეკავდნენ და მასზე ფსიქოლოგიურ ზეწოლას ახდენდნენ. ამბობს, რომ ფირუზ ბოლქვაძის გულშემატკივრები პასუხს ითხოვდნენ იმაზე თუ რატომ უსვამდა კონკრეტულ შეკითხვებს აპლიკანტს. სხდომის მიმდინარეობისას ერთ-ერთი რეპორტაჟის განხილვაც მოხდა - ნინო უტიაშვილს ვკითხეთ რა კავშირში იყო ახალ ამბებთან დირექტორის მოადგილის პოზიციაზე გამოცხადებული კონკურსი? რაზეც მისგან ურთიერთ გამომრიცხავი პასუხები მივიღეთ. მოდი მოვისმინოთ კომისიის წევრის ვრცელი ინტერვიუ.
სხდომის დახურვის სხვა გარემოებაზე საუბრობს ჯემალ გვეტაძე, რომელიც საკონკურსო კომისიის თავჯდომარეა. გვეტაძე დეტალებს არ ამხელს, თუმცა თქვა, რომ პროცესი მას შემდეგ დაიხურა, როდესაც ახალი ამბების ჟურნალისტმა პროცესის ჩუმად გადაღება დაიწყო, რაც მათთან შეთანხმებული არ ყოფილა.
კონკურის ერთ-ერთი მონაწილე ამბობს, რომ მისთვის არავის უკითხავს სხდომა დახურული უნდა ყოფილიყო თუ საჯარო. ემზარ დიასამიძემ კითხვებით კომისიის წევრებთან გადაგვამისამართა.
ყველაზე დიდი დარღვევა, რაზეც საინფორმაციო სამსახურის ხელმძღვანელის მოადგილე საუბრობს ეს საჯაროობის პრინციპის უგულვებელყოფაა. მაია მერკვილაძის თქმით, კომისიას არ ჰქონდა უფლება პროცესი გაუმჭვირვალედ ჩაეტარებინა, როცა მაღალი საჯარო ინტერესი იყო.
ჩვენ ვესაუბრეთ ფირუზ ბოლქვაძეს, თუმცა მან მოუცლელობის გამო ინტერვიუზე უარი განაცხადა. ინტერვიუზე არ დაგვთანხმდა ტელეკომპანიის დირექტორი გოგა კოხრეიძე. გამოცემა ბათუმელები სანდო წყაროზე დაყრდნობით წერს, რომ აჭარის მაუწყებლის დირექტორის მოადგილე ვახო ხუზმიაშვილი იქნება. საკონკურსო კომისია კი ამ დრომდე ამ ინფორმაციას არ ადასტურებს. კონკურსში გამარჯვებას არ ადასტურებს ვახო ხუზმიაშვილი.
44
s
s
s