24, თებერვალი 2020 17:41:00
„თანასწორობის უფლების რეალიზაციის მხრივ საქართველოში მდგომარეობა კვლავ კრიტიკულია”- ამის შესახებ ომბუდსმენმა განაცხადა. ნინო ლომჯარიას თქმით, ამას ხელს სახელმწიფოს ერთიანი ხედვის არარსებობა უწყობს. სახალხო დამცველმა თანასწორობის მდგომარეობის შესახებ 2019 წლის ანგარიშის წარდგენისას თქვა, რომ კონკრეტულ სახელმწიფო უწყებებს არ აქვთ პოლიტიკა ამ მიმართულებით. ლომჯარიას განცხადებით, გასულ წლის განმავლობაში ა სავარაუდო დისკრიმინაციის 155 ახალი შემთხვევა განიხილეს, მათგან 13 ფაქტზე წარმოება თავისი ინიციატივით დაიწყო.