18, მაისი 2017 20:05:00
ბათუმში 4 კვარტლის განაშენიანების რეგულირების გეგმის შემუშავებისთვის მერია კონკურსის გამოცხადებას გეგმავს. დოკუმენტის შესაძენად ჯამში 200 000 ლარი დაიხარჯება , ამ თანხით კი 26 მაისის, გორგილაძის, მელიქიშვილის ქუჩებსა და მემედ აბაშიძის გამზირს შორის მოქცეული ტერიტორიის, ჯინჭარაძის, ბარათაშვილის, კონსტანტინე გამსახურდიასა და კომახიძის ქუჩების მიმდებარე ტერიტორიის, პლაზას მიმდებარე ტერიტორიის, ბარათაშვილის, დემეტრე თავდადებულის, გორგილაძისა და ფარნავაზ მეფის ქუჩებს შორის ტერიტორიის გეგმის შემუშავება მოხდება. დაჩქარებული წესით დოკუმენტის მომზადება მას შემდეგ გადაწყდა, რაც ზონალურ საბჭოზე ინვესტორებმა აღნიშნულ უბნებში დიდი ოდენობით სამშენებლო ნებართვების გაცემა ითხოვეს. ზემოთხსენებულ ტერიტორიებზე კულტურული მემკვიდრეობის სტატუსის მქონე შენობა-ნაგებობებია განთავსებული.