19, მაისი 2017 20:13:00
ჯინჭარაძის #3-ში მცხოვრები რუსიძეების ოჯახი კომპანია „ელიტ ჰაუსს“ სამშენებლო ნორმების დარღევვაში ადანაშაულებს. ისინი ამჯერად მათი სახლის გვერდით მშენებარე კორპუსის ეზოს გალავანის მშენებლობას აპროტესტებენ. შიშობენ, რომ სამუშაოები სახლის საყრდენ კედელს დაანგრევს, გარდა ამისა ჩაიკეტება საცხოვრებელთან მისასვლელი გზაც. რუსიძეებმა „ელიტ ჰაუსის“ წინააღმდეგ ორი სასამართლო ინსტაცია უკვე მოიგო, რომელიც მათი სახლის მხრიდან კორპუსზე განთავსებული ღიობების დახურვას ითვალისწინებს. სამშენებლო კომპანიის წარმომადგენლები ირწმუნებიან, რომ კედელი, რომლის მოშლასაც აპირებენ, რუსიძეების სახლის საყრდენი კედელი არ არის, თუმცა იმ შემთხევაში თუკი რაიმე სახის ზიანი მიადგებათ, მზად არიან ზარალი აანაზღაურონ. ბათუმის არქიტეტურის სამსახურში კი აცახდებენ , რომ სამშენებლო სამუშაოები პროექტით გათვალისწინებული ნორმებით მიმდინარეობს.