03, მარტი 2020 21:05:00
მეწყრის შედეგად დაზიანებული გზა, რომელსაც მერია ყურადღებას არ აქცევს. ავარიული ინფრასტრუქტურის გამო ოჯახები საფრთხის შემცველ გარემოში გადაადგილდებიან და სასმელი წყლის გარეშე არიან დარჩენილები. ნაჭყებიას ქუჩაზე მცხოვრებლები თითქმის ორი თვეა გაუსაძლის პირობებში ცხოვრობენ
ეს კარდები შავლიძეების დასახლებაში, ნაჭყებიას ქუცაზე გადავიღეთ. გზა თითქმის 2 თვეა ასეთ მდგომარეობაშია. ავარიული და საფრთხის შემცველი მას შემდეგ გახადა, რაც მიმდებარედ მეწყერი ჩამოწვა. ადგილობრივები შექმნილ მდგომარეობას, ფერდსამაგრ სამუშაოებს უკავშირებენ, რომლის მშენებლობის დროსაც, სანიაღვრე არხის მოწყობა არ გაუთვალისწინებიათ.
როგორც ირაკლი დევაძე ყვება, ბათუმის მერის წარმომადგენელს რაულ კირკიტაძეს დახმარების თხოვნით რამდენჯერმე მიმართეს, თუმცა რა რეაგირება მოყვა, ეს კადრებიც კარგად მოწმობს. ის ექვსი ოჯახი, რომლებისთვისაც შექმნილი მდგომარეობის გამო ცხოვრება განსაკუთრებით საშიში გახადა, ბათუმის მერიისგან მხოლოდ დაპირებებს ისმენენ, ისიც ზეპირსიტყვიერად.
იაშა თებიძის თქმით, მეწყრული პროცესები აქ პირველად გასული წლის ნოემბერში განვითარდა. მაშინ მერიამ პრობლემა ნაწილობრივ მოაგვარა. განმეორებით კი მიწის მასა იანვარში ჩამოწვა, რასაც რეაგირება აღარ მოყოლია. გარდა იმისა, რომ გზაზე ნაპრალებია, აქ მცხოვრებლები ფერდის მთლიანად ჩამოწოლის საფრთხესაც ხედავენ და ამბობენ, რომ შესაძლოა ამას მსხვერპლიც მოჰყვეს.
უყურადღებოდ დატოვებულმა მეწყერმა, გარდა იმისა, რომ გზაზე გადაადგილება ფაქტიურად შეუძლებელი გახადა, წარმოქმნა კიდევ ერთი პრობლემა. ჩამოწოლილმა მიწის მასამ სასმელი წყლის აუზი მთლიანად მოშალა. შედეგად, 10-მდე ოჯახი წყლის გარეშე დარჩა.
ბათუმის კეთილმოწობისა და ინფრასტრუქტურის სამსახურში დღეს ვერ გვიპაუხეს. გვითხრეს, რომ 3 მარტი არასამუშაო დღეა და პასუხებს დოკუმენტაციის გადამოწმების გარეშე ვერ გაგვცემენ. სამსასუხრში მოგვცეს პირობა, რომ კითხვებზე ხვალ გვიპასუხებენ.