ბათუმში, ლიფტის შახტაში, ბავშვი ჩავარდა. შემთხვევა ინასარიძის 2 ნომერში გუშინ, საღამოს 6 საათამდე მოხდა. დაშავებული მოზარდი მრავლობითი მოტეხილობებით კლინიკაში გუშინვე მოათავსეს. როგორია 9 წლის ბიჭის მდგომარეობა ახლა და დაწიყო თუ არა ფაქტზე მოკვლევა? ნინია მესხიძე არკვევდა
ლიფტის ჩავარდის შედეგად დაშავებული 9 წლის მოზარდის ჯანმრთელობის მდგომარეობა კვლავ მძიმეა. მორიგე რეანიმატოლოგის განცხადებით, პაციენტს მრავლობითი მოტეხილობები აქვს, თუმცა ამ ეტაპზე ოპერაცია არ იგეგმება. ჩატარდა კომპიუტერული ტომოგრაფია, სადაც წელის მალების მოტეხილობა ზურგის ტვინის კომპრესიით ვლინდება. ბავშვი მოსალოდნელი ნეიროქირურგიული ჩარევის მიზნით, თბილისში გადაიყვანეს.
შემთხვევა, გუშინ საღამოს, ბათუმში, ინასარიძის ორ ნომერში მოხდა. მომხდარეის დეტალებზე დაშავებული მოზარდის ბაბაუა ყვება.
ინასარიძის 2 ნომერში მდებარე კორპუსის ამხანაგობის თავმჯდომარე აცხადებს, რომ კომპაია, რომელიც ლიფტის უსაფრთხოებაზე იყო პასუხისმგებელი, აღარ ფუნქციონირებს. ზურაბ ქარსელაძე ასევე აღნიშნავს, რომ კორპუსში დღემდე საბჭოთა ლიფტია შემორჩენილი, რის გამოც, სხვადასხვა ორგანიზაციები კონტრაქტს აღარ აფორმებენ.
ბათუმის მერიის სპეციალური პროგრამით, რომელიც ლიფტის გამოცვლას თანადაფინანსებით გულისხმობს, კორპუსის მაცხოვრებლებმა ვერ ისარგებლეს. საჭირო 6 000 ლარიდან, მხოლოდ 1000-ის შეგროვება შეძლეს. აჭარის ფინანსთა და ეკონომიკის სამინისტრო კიდევ ერთი სახელმწიფო უწყებაა, რომელიც ავარიულ ლიფტებს ტექნიკურ ზედამხედველობას უწევს. სწორედ მისი დასკვნის საფუძველზე აღორციელებს მერია ლიფტების შეცვლის პროგრამას. თუმცა სამინისტროში აცხადებენ, რომ ამ კონკრეტულ შემთხვევაში, პრობლემა ამხანაგობის გადასაჭრელია, რადგან კონკრეტულ კომპანიასთან ხელშეკრულება გაფორმებული ჰქონდა.
ბავშვის დაზიანების ფაქტზე გამოძიება სისხლის სამართლის კოდექსის 124-ე მუხლით დაიწყო, რაც ჯანმრთელობის ნაკლებად მძიმე ან მძიმე დაზიანებას გულისხმობს.
5
s
s
s