23, მაისი 2017 20:03:00
92 წელი პირველი ქართული რადიო გადაცემიდან - საცდელი გადაცემა ეთერში 1925 წლის 23 მაისს გავიდა. დღეს იუბილარია რადიო „აჭარაც“. ინფორმაცია რადიო „აჭარით“ მოსახლეობამ თავდაპირველად 1930 წლის მაისში მოისმინა. მოსახლეობას მაუწყებლობა საქალაქო კვანძის მეშვეობით მიეწოდებოდა. მე-20 საუკუნის 50-იანი წლებიდან აჭარაში მოკლე ტალღებზე გადამცემი რადიოსადგური, 1968 წლიდან კი საშუალოტალღოვანი სადგური ამოქმედდა. 1998 წლიდან აჭარის რადიოს მაუწყებლობის დრო 8 საათამდე გაიზარდა, დაემატა ახალი გადაცემები, რუბრიკები. მაუწყებლობა ტალღაზე FM 104,5 - 24 საათიანია. ახალი ამბების გამოშვება დღეში 12-ჯერ გადის. აჭარის ტელევიზიისა და რადიოს საინფორმაციო სამსახურის უფროსის მოვალეობის შემსრულებელი თამილა დოლიძე ამბობს, რომ მთავარი გამოწვევა დაფარვის არეალის და, შესაბამისად, მსმენელთა რაოდენობის გაზრდაა.