23, მაისი 2017 20:07:00
სასტუმრო „რადისონ ბლუ ბათუმში“ საქართველოს, თურქეთისა და აზერბაიჯანის თავდაცვის მინისტრების დონეზე რიგით მეხუთე სამმხრივი მინისტერიალი გაიმართა. თავდაცვის მინისტრებმა რიგით მეხუთე შეხვედრა უსაფრთხოების გარემოს მიმოხილვით დაიწყეს. შეხვედრაზე აღინიშნა, რომ სამმხრივი თანამშრომლობის ფორმატი რეგიონში მშვიდობის, სტაბილურობისა და უსაფრთხოების განმტკიცებისკენ, ასევე სამივე ქვეყნის შეიარაღებული ძალების განვითარებისკენაა მიმართული. საქართველოს, თურქეთისა და აზერბაიჯანის თავდაცვის მინისტრების დონეზე სამმხრივი თანამშრომლობა 2012 წელს დაიწყო. შეხვედრა ერთობლივი განცხადების ხელმოწერით დასრულდა, რის შემდეგაც მინისტრებმა ერთობლივი განცხადებები გააკეთეს.