09, მარტი 2020 18:27:00
უკიდურესად რთულ პირობებში მცხოვრები მარტოხელა დედა ე.წ. ოცნების ქალაქიდან. ერთ ოთახიანი ფიცრული 2 წევრიანი ოჯახისათვის საძინებელიცაა, მისაღებიც და სამზარეულოც. რატომ დატოვა სოციალური მომსახურების სააგენტომ დავითაძეები დახმარების გარეშე? და როგორია ცხოვრება ნათესავების იმედად?
ერთ ოთახიანი ეს ფიცრული სოციალურად დაუცველ დედა-შვილს ეკუთვნის. ყოფილი 25-ე სამხედრო ბატალიონის ტერიტორიაზე სახელდახელდ ჩადგუმლ ამ საცხოვრებელს მათთვის საძინებლის ფუნქციაც არქვს, არის სასტუმრო სამზარეულოც. ოჯახი რომ რთულ პირობებში ცხოვრობს, ამაზე ეს კადრებიც მეტყველებს. ოჯახს, რომელიც არსებობისთვის ყოველდღიურად იბრძვის, ერთი თვის წინ სოციალური დახმარება შეუწყვიტეს.
სამუშაოდ ვერ გადის. მცირეწლოვან შვილს ვერავის უტოვებს. სამი წლის გიორგი ხშირად ავადობს. იმის გამო, რომ სტატუსი მოეხსნა, ექიმთანაც ვეღარ მიიყვანა.
სოციალური მომსახურების სააგენტოში კატეგორიულად უარყოფენ ოჯახისთვის სოციალური დახმარების შეწყვეტის ფაქტს. ირწმუნებიან, რომ აგენტებმა დახმარება მხოლოდ გეგმიური გადამოწმების მიზნით შეუწყვიტეს, თუმცა დამატებითი კითხვები ვერ დავსვით. კონკრეტული აგენტი, როგორც თავად გვითხრა, საჭესთან იყო და საპასუხოდ არ ეცალა.
რა ვადით შეუჩერდა ყოველთვიური დახმარება, ან მიიღებს თუ არა ნაცდურს მარიკა დავითაძე - ჩვენს შეკითხვებზე არც აჭარის სოციალური მომსახურების სააგნეტოს ხელმძღვანელობამ ისაურვა პასუხების გაცემა.