თითქმის 20 წელი სიცოცხლისთვის საფრთხის შემცველ გარემოში. გამოშვების დასაწყისში უნდა მოგიყვეთ ქობულეთში, სოფელ ბობოყვათში მცხოვრებლების გასაჭირზე. დავითაძეები ყოველ ღამეს შიშით ათენებენ. მიზეზი კი ის არის, რომ სახლი თავზე ენგრევათ. რატომ დაივიწყა ადგილობრივმა ხელისუფლებამ უკიდურესად გაჭირვებულები? ჩემი კოლეგა არკვევდა
სახლში, რომლის დანგრევის ალბათობა ყოველდღე იზრდება, ბობოყვათში, დავითაძეების ოჯახი 2001 წლიდან ცხოვრობს. კედლები მეწყერმა დაბზარა. მას შემდეგ აქ მიწის მასა კიდევ სამჯერ ჩამოწვა და დაზიანების კერებმაც იმატა. ოჯახის უფროსი ამბობს, რომ შექმნილი მდგომარეობის მიუხედავად, თავის დროზე, გეოლოგებმა დაასკვნეს, მეწყერი სახლის არასწორი მშენებლობის მიზეზით განვითარდა, თუმცა მდგომარეობა სიცოცხლისათვის საფრთხის შემცველად არ მიიჩნიეს.
დადებითი დასკვნის მიუხედავად, ოჯახს იმავე წელს 5000 ლარი გადაუხადეს, თუმცა დიასახლისი აღნიშნავს, რომ თანხა ბზარების შესაჩერებლად საკმარისი არ აღმოჩნდა, ამიტომ დავითაძეები დღემდე შიშით ცხოვრობენ.
კიტხვებით ქობულეთის მერიას მივმართეთ. მუნიციპალიტეტში გვითხრეს, რომ დავითაძეების მდგომარეობას გეოლოგებთან ერთად კიდევ ერთხელ შეისწავლიან და რეაგირებას დასკვნის საფუძველზე მოახდენენ.
დაპირება არის, თუმცა ქობულეთის სოციალური დაცვის სამსახურში ვერ აკონკრეტებენ, რა ვადაში დაიწყებენ მოკვლევას და შესაბამისად, რა დრო დასჭირდება შედეგების დადებას.
1
s
s
s