24, მაისი 2017 20:12:00
2000 ბათუმელი მაჰმადიანი პარასკევს შუადღის ლოცვას ღია ცისქვეშ აღავლენს. 400 კადრატული მეტრი ფართობის დროებითი კონსტრუქცია ,,მეჩეთის მშენებლობის ფონდის“ წევრებმა მშენებლობისთვის განკუთვნილ მიწის ნაკვეთზე განათავსეს. მათი გადაწყვეტილებით, ახალი საკულტო ნაგებობის აგებამდე აქ ილოცებენ. ფონდის ხელმძღვანელი ნოდარ პაქსაძე აცხადებს, რომ კონსტრუქციის აგებამდე კონსულტაცია იურისტებთან გაიარეს და მათი ქმედება კანონთან შეუსაბამობაში არ არის. სამუფთო სამმართველოში აცხადებენ, რომ აღნიშნულ ფაქტთან დაკავშირებით ინფორმაციას არ ფლობენ. ნოდარ პაქსაძე კი ირწმუნება, რომ სამუფთოსგან სრული მხარდაჭერა აქვთ.