25, მაისი 2017 20:14:00
,,ქართველ მუსლიმთა კავშირის“ თავმჯდომარე ტარიელ ნაკაიძე ISIS მიერ გავრცელებულ მუქარას ეხმიანება, რომელსაც ერთ-ერთი სააგენტო ავრცელებს. ექსტრემიზმის პროგრამის უმცროსი მკვლევარი, ბენეტ კლიფორდის Twitter-ზე გავრცელებულ ინფორმაციას ეყრდნობა. ფოტოებზე ტარიელ ნაკაიძე და რამდენიმე მუსლიმი სასულიერო პირია აღბეჭდილი, რომელთაც ავტორები „მუსლიმთა გამყიდველებად მოიხსენიებენ“. ნაკაიძე ამბობს, რომ მის მიმართ მუქარას ადგილი ადრეც ჰქონია, იგი ფაქტზე ყურადღების გამახვილებას მიზანშეწონილად არ მიიჩნევს. კიდევ ერთი ადამიანი, რომელიც ფოტოებზეა აღბეჭდილი ისლამის თეოლოგი ნოდარ დავითაძეა, მისი ვარაუდით ეს სოციალურ ქსელში მის აქტიურობას უკავშირდება, თუმცა იგი მუქარის უკან რეალურ საფრთხეს ვერ ხედავს. საქართველოს სახელმწიფო უსაფრთხოების სამსახურში ამბობენ, რომ მსგავს საქმეებზე გამოძიება მიმდინარეობს, მათ შორის ბოლო ფაქტთან დაკავშირებითაც.