03, აპრილი 2020 17:52:00
პენიტენციურ დაწესებულებაში მყოფი იმ ბრალდებულებისთვის, რომელთაც სატელეფონო კომუნიკაცია ბრალდების მხარის მიერ აქვთ შეზღუდული, სატელეფონო ზარების განხორციელების შესაძლებლობა დაიშვა. საქართველოს პროკურატურამ გადაწყვეტილება ქვეყანაში კორონავირუსის გავრცელების პრევენციისა და სოციალური დისტანციის დაცვის მიზნით მიიღო. საგამოძიებო ორგანოს მიერ გავრცელებულ განცხადებაში ნათქვამია, რომ საკითხზე უკვე მიმართეს იუსტიციის სამინისტროს.