03, აპრილი 2020 17:54:00
თავდაცვის ძალების დასავლეთის სარდლობამ, სამოქმედო რაიონში საკონტროლო-გამშვები პუნქტების რაოდენობა გაზარდა. დღეიდან, საყოველთაო კარანტინის პირობების კონტროლს თავდაცვის ძალების წარმომადგენლები შინაგან საქმეთა სამინისტროსთან ერთად, 24 საკონტროლო გამშვებ პუნქტზე განახორციელებენ. ყოველი დღის დაგეგმვა, ხონში, დილიდან იწყება. მოხსენებებს იბარებს და თავდაცვის ძალების მოქმედებებს აჯამებს დასავლეთის სარდალი, ხოლო ვიდეოკონფერენციის საშუალებით გასცემს შესაბამის დავალებებს. დასავლეთ სარდლობის სამოქმედო რაიონში, 24 საათში ერთხელ ხდება საკონტროლო გამშვებ პუნქტებზე ქვედანაყოფების როტაცია. სამხედროები მუდმივად გადიან სამედიცინო შემოწმებასაც.