06, აპრილი 2020 17:19:00
მუშაობის სრულად ელექტრონულ მეთოდზე გადადის აღსრულების ეროვნული ბიურო. იგი პორტალით my.gov.ge ან ელექტრონული ფოსტით დაარეგისტრირებს მოქალაქეთა განცხადებებს და დაიწყებს საქმის წარმოებას, მათ შორის ისეთ მომსახურებებზე, როგორიცაა, სააღსრულებო, გამარტივებული თუ გადახდისუუნარობის საქმისწარმოებები. ყოველივე ეს სააღსრულებო ფურცლის დედნის გარეშე დაიწყება. მისი წარმოდგენა კრედიტორს საგანგებო მდგომარეობის გასვლიდან ათი სამუშაო დღის ფარგლებში ევალება. დოკუმენტის გაყალბების შემთხვევაში კი წარმომდგენ პირს სისხლის სამართლებრივი პასუხისმგებლობა დაეკისრება. სააღსრულებო წარმოების ფარგლებში, უძრავი ქონების შეფასება და აღწერა-დაყადაღება მოხდება გარეგანი დათვალიერებით და საჯარო რეესტრის ეროვნულ სააგენტოში დაცული მონაცემების გამოყენებით. ხოლო გამოსახლების კატეგორიის საქმეებზე გადაწყვეტილების ნებაყოფლობით შესრულებისათვის განსაზღვრული 10 დღიანი ვადა და მისი ათვლა დაიწყება ან გაგრძელდება საგანგებო მდგომარეობის დასრულებისთანავე.