ბათუმში კორონავირუსის შიდა გავრცელების პირველი შემთხვევა დაფიქსირდა. უცნობია პაციენტის დაინფიცირების წყარო და ეპიდემიოლოგები კონტაქტებს ბათუმსა და ქობულეთის ერთ-ერთ სოფელში იკვლევენ.
60 წლის ქალმა კლინიკას სულ სხვა ჩივილებით მიმართა, ის გამოსაკვლევად გადაიყვანეს ცხელების ცენტრში და კორონავირუსი დაუდასტურდა. იზოლაციაში გადაიყვანეს კლინიკის მედპერსონალის 7 წარმომადგენელი.
„კლინიკა მედალფაში გვაქვს 10 დადასტურელბული შემთხვევა, დაგვემატა ერთი, 60 წლამდე პირი, რომლის იდენტიფიცირება მოხდა წუხელ, გვიან ღამით. ახლა მიმდინარეობს ეპიდკვლევითი სამუშოები, კონტაქტების მოძიება. აღნიშნული პირის ინფიცირების წყარო ამ ეტაპზე არ არის დადასტურებული, მიდის აქტიური მოძიება. განვმარტავ, ზოგადად კონტაქტად ითვლება ის პირი, რომელსაც სიმპტომების გამოვლენამდე, 48 საათის განმავლობაში ჰქონდა დაუცველი შეხება აღნიშნულ ქალბატონთან 15 წუთი და მეტი ხნის განმავლობაში.
ეს ქალბატონი გახლავთ ბათუმში მცხოვრები ქალბატონი, მან გასული ორი დღის განმავლოაბში მიმართა ორ სხვადასხვა სამედიცინო დაწესებულებას, მას არ ჰქონდა კორონავირუსისათვის დამახასიათებელი ცხელებით რესპირაციული ჩვილები, ის აღნიშნავდა მუცლის ტკივილს და დიარიას. ეჭვის მიტანის შემდეგ გადაყვანილი იქნა კლინიკა მედალფაში დიაგნოსტიკისათვის, სადაც შემთხვევა დადასტურდა“ – განაცადა ნინო ნიჟარაძემ.
106
s
s
s