09, აპრილი 2020 14:15:00
ხულოს მერიაში პრემიების შესახებ გადაწყვეტილების მიმღებებთან მიმართებით ამ ეტაპზე შემოვიფარგლეთ პოლიტიკური ყვითელი ბარათით – ამის შესახებ აჭარის მთავრობის თავმჯდომარემ, ხულოს მუნიციპალიტეტში გაცემული პრემიების საკითხზე კომენტირებისას განაცხადა.
თორნიკე რიჟვაძე ამბობს, რომ დღევანდელ ვითარებაში წახალისებებისა და პრემიების დრო არ არის და ამჯერად პოლიტიკური გუნდი მხოლოდ გაფრთხილებით შემოიფარგლა, რადგან პრემია მყისიერად დაბრუნდა ბიუჯეტში.
შეგახსენებთ, ხულოს მერიის თანამშრომლებმა გასულ კვირას აღებული პრემია უკან "TV 25"-ის მასალის ეთერში გასვლის შემდეგ დააბრუნეს.