დღეს წითელი პარასკევია – ყველაზე მძიმე დღე ქრისტიანული სამყაროსთვის. მართლმადიდებლურ ეკლესიებში, მსოფლიოში და ქვეყანაში არსებული მდომარეობის გამო დარიტუალები და მსახურება დღეს განსხვავებულად, უჩვეულოდ შესრულდა. მრევლი, სტიქაროსნები და მგალობლები ტაძრებში პირბადეებით მივიდნენ.
წითელი პარასკევის ლიტურგიაზე მისული მრევლი დღეს განსაკუთრებით ფრთხილი იყო. გასული დღეებისაგან განსხვავავებით, დღეს ყველა ყურადღებით იცავდა დისტანციას. მორწმუნეებს შორის თითქმის არავინ მოიძებნებოდა პირბადის გარეშე. ბათუმის ღვთისშობის შობის საკათედრო ტაძარში მისულებს პირბადით დახვდნენ სასულიერო პირები, სტიქაროსნები და მედავითნეები.
ეკლესია დღეს ისეთი ხალხმრავლობით არ გამოირჩეოდა, როგორც თუნდაც უკვე გასულ საუფლო დღესასწაულებზე. მიზეზი ერთია. ავტომობილით გადაადგილების აკრძალვა ორი საათით უსწრებდა წინ გარდამოხსნის ლიტურგიის დაწყების დროს.
ვნების კვირის პარასკევი მართლმადიდებელი ქრისტიანებისთვის ყველაზე მძიმე დღეა. წითელ პარასკევს ტაძრებში წირვა არ აღესრულება, რადგან ადამიანთა ცოდვებისგან გამოსახსნელად უფალმა მსხვერპლად საკუთარი თავი გაიღო.
საგალობლები, რომლებიც წითელ პარასკევს სრულდება, იესო ქრისტეს ვნებასა და ჯვარცმას ასახავს. დიდი პარასკევის სერობა მაცხოვრის ჯვრიდან გარდამოხსნასა და დასაფლავებას ეძღვნება. გარდამოხსნის წინაშე სრულდება დიდი მეტანია.
4
s
s
s