29, მაისი 2017 20:01:00
ბათუმში ახალგაზრდა კინემატოგრაფისტების საერთაშორისო კინოსკოლა „ თანამეგობრობა“ გაიხსნა. მასში 13 ქვეყნის 50-ზე მეტი კინემატოგრაფისტი მონაწილეობს. გარდა საკონკურსო და არასაკონკურსო პროგრამებისა, რეჟისორებისთვისა და სცენარისტებისათვის გაიმართება ქართული კინო-კლასიკოსის ალექსანდრე რეხვიაშვილისა და უკრაინელ კინემატოგრაფისტთა კავშირის თავმჯდომარის მოადგილის სერგეი ტრიმბაჩის მასტერკლასები. გამარჯვებულები 2 ივლისს გამოვლინდებიან. კინოსკოლას საქართველო წელს მეორედ მასპინძლობს.