30, მაისი 2017 20:01:00
სტუდენტური დასაქმება იწყება. სტუდენტებმა რეგისტრაცია 25 მაისიდან 25 ივნისის ჩათვლით www.studenturidasaqmeba.ge - ზე უნდა გაიარონ. ივლისსა და აგვისტოში დასაქმების შესაძლებლობა ბათუმში რეგისტრირებულ იმ 200 სტუდენტს მიეცემა, რომელიც აკრედიტირებულ და ავტორიზებულ უმაღლეს სასწავლებელში სწავლობს. განაცხადების გადარჩევისას უპირატესობა სოციალურად დაუცველ, უდედმამო, მრავალშვილიანი, მარჩენალდაკარგული ოჯახის შვილებს, მაღალი აკადემიური მოსწრების სტუდენტებს მიენიჭება. ახალგაზრდები ძირითადად მერიის სტრუქტურულ ერთეულებში დასაქმდებიან და მათი ანაზრაურება 400 ლარი იქნება. სტუდენტური დასაქმებისთვის მერიის ბიუჯეტიდან 80 ათასი ლარია გამოყოფილი.