აჭარის სოფლის მეურნეობის სამინისტროში რეორგანიზაცია დაიწყო. მინისტრის განმარტებით, რეორგანიზაციის შედეგად შეიქმნება სოფლის განვითარების დეპარტამენტი, ექსტენციის , საინვესტიციო, პოლიტიკის განვითარების და შესრულების, მონიტორინგის განყოფილება. ლაშა კომახიძის განმარტებით, ეს ის ერთეულებია რომელთა ფუნქციონირება სოფლის მეურნეობის სტრატეგიისათვის კრიტიკულად მნიშვნელოვანია.
ცვლილებები განხორციელდება საინფორმაციო-საკონსულტაციო ცენტრებშიც. მათ ექსტენციის ნაწილი ჩამოშორდება. აღნიშნულ მომსახურებას სამინისტრო ცალკე შეისყიდის. უწყებაში გადაწყვეტილებას იმით ხსნიან, რომ ცენტრები შეზღუდული ადამიანური რესურსის გამო ფერმერთა სწავლა-განათლებას სათანადოდ მაინც ვერ ახორციელბდნენ. რეორგანიზაციის შემდეგ ცენტრის მთავარი ფუქნცია ადგილობრივთათვის მნიშვნელოვანი პროექტების განხორციელების ხელშეწყობა და სამინისტროს პრიორიტეტების გატარება იქნება.
რაც შეეხება კადრების შემცირებას. მინისტრის განმარტებით ეს მხოლოდ იმ შემთხვევაში მოხდება თუ ახალშექმნილ სტრუქტურა ს და ძველს შორის ფუნქციური მსგავსება იქნება.
ახალი გეგმის თანახმად იქმნება აგროპროექტების შემუშავების, მართვისა და განხორციელების განყოფილებაც, რომლის ბიუჯეტი 464 000 ლარს შადგენს. მინისტრის განმარტები რეორგანიზაცია და ახალი განყოფილებების შექმნა, სამინისტროს 2017-2020 წლების სტრატეგიული დოკუმენტის ნაწილია. რომელიც აჭარის მთავრობას დასამტკიცებლად რამდნეიმე დღეში გადაეგზავნება.
12
s
s
s