ქუჩა, საჯარო დაწესებულებები, სასამართლო, მთა, სანაპირო... ყველგან, სადაც ექსტრემია ან პირიქით -უძრაობაა, ძალიან ცივა ან ძალიან საშიშია, ქვეყნის საზღვრებს შიგნით თუ მის ფაგლებს გარეთ - ჟურნალისტები ყველგან არიან, განსაკუთრებით ისინი - ვინც ახალ ამბებზე მუშაობს. მიუხედავად მრავალფეროვანი და საინტერესო სამუშაო გარემოსი, ფავორიტი სფერო მაინც აქვთ.
ეს ხმა არ აფრთხობს. ის, რაც აჭარის ტელევიზიის ჟურნალისტს იზიდავს, ბევრისთვის უბრალოდ ძალიან საშიშია. გიორგი წეროძე ყოველთვის იქ არის, სადაც ქვეყნის თავისუფლების ბედი წყდება, სადაც ქვეყნის თავდაცვისუნარიანობას წარმოაჩენს და იამაყებს ამით. სწორედ ამიტომ საბრძოლო მოქმედებები მისთვის მხოლოდ სამსახური არ არის. ფავორიტი რესპონდენტი სხვაგანაც ეგულება. ისიც ექსტრემალური დარგის სპეციალისტია.
ჟურნალისტების ნაწილისთვის ყველაზე კომფორტული მუშაობა იქ არის, სადაც პოლიტიკური ტემპერატურა ძალიან მაღალია, ცხარე დებატები მიმდინარეობს და ყველაზე აქტუალური საკითხები განიხილება. ჰყავთ გამორჩეული რესპონდენტებიც.
ის, რაც სხვებისთვის მძიმე და ემოციურია, საინტერესო გამოწვევაა თეონა შალიკაშვილისთვის. „ობიექტივის“ სპეციალური კორესპონდენტი ბათუმში სიამოვნებით ეხმარება მოქალაქეებს საჭირო უწყებებთან კომუნიკაციაში. თეონას გამორჩეული რესპონდენტი არ ჰყავს.
ადამიანის უფლებებზე მუშაობა ყველაზე მეტ სიამოვნებას ანიჭებს გაზეთ „ბათუმელების“ ჟურნალისტს - ჯაბა ანანიძეს. გამორჩეულ რესპონდენტთა ჩამონათვალშიც სწორედ ის პერსონები ჰყავს, ვინც სხვების უფლებებს იცავენ.
კალამი ყველაზე კარგად მაშინ უჭრის თუ გენდერულ საკითხებზე მუშაობს ან არჩევნებს აშუქებს. აჭარის რადიოს ჟურნალისტისთვის გამორჩეული რესპონდენტები ისინი არიან, ვისგანაც ყოველთვის ზუსტ და ამომწურავ კომენტარებს იღებს.
ყველაზე თავისუფალი, ენერგიული და შრომისუნარიანია, როცა საქმე სტიქიას ეხება. ადრენალინი საშუალებას აძლევს, საკუთარი შესაძლებლობები სრულად წარმოაჩინოს, იყოს ყველაზე ოპერატიული და გარკვეული დოზით - გმირიც კი. აქ ჰყავს გამორჩეული რესპონდენტებიც.
სადაც კრიმინალია tv-25-ის ჟურნალისტი სულხან მესხიძე სწორედ იქ არის. ხიბლავს რთულ ვერსიებზე მუშაობა. მოსწონს, როცა უამრავ კითხვაზე სწორი პასუხები აქვს, რაც ანალიზში ეხმარება. წუხს, რომ ამ სფეროში კომპეტენტური ან ღიად მოსაუბრე ადამიანების დეფიციტია.
სპეციფიურია, სენსიტიური და ხშირად - ძალიან მძიმეც, თუმცა სოციალურ საკითხებზე მუშაობა ყველაზე მეტად მოსწონს. იმის გამო, რომ სოციალური თემატიკა მრავალფეროვანია, გამორჩეული რესპონდენტი არ ჰყავს tv -25 -ის კიდევ ერთ ჟურნალისტს, თინათინ ჭკუასელს.
ჟურნალისტობა არც თუ ისე დიდი ხნის წინ დაიწყო, თუმცა კითხვაზე პასუხის მოპოვება ისეთივე საინტერესო აღმოჩნდა გიორგი ბოლქვაძისთვის, როგორც - მთავარი კადრის დაჭერა. tv - 25-ის რეპორტიორისა და წამყვანისთვის, გიორგი ბოლქვაძისთვის თანაბრად საინტერესოა ყველა სფეროს გაშუქება, ამიტომაც რესპონდენტების გამორჩევა უჭირს.
ხშირად მუშაობს კანონებზე, თუმცა მისთვის ყველაზე ახლობელი აგრარული სფეროა. მოსწონს, როდესაც ფერმერებთან აქვს ურთიერთობა. ამბობს, რომ ყოველ ჯერზე ახალს იგებს. რესპონდენტებს შორის მაინც პოლიტოლოგს, ახლა უკვე კანონმდებელს გამოარჩევს.
განსაკუთრებული გადასაღები მოედანი, სადაც თავს ყველაზე კარგად გრძნობენ და საკუთარი შესაძლებლობების მაქსიმალურად წარმოჩენა შეუძლიათ, ოპერატორებსაც აქვთ. ეს სივრცე ყველასთვის ინდივიდუალურია.
ხშირად არჩევანი არ აქვთ, ამიტომ იქ არიან, სადაც სამსახური მოითხოვს, თუმცა ვისაც შემოქმედება უყვარს, გამოსავალს ყოველთვის პოულობს. ეს ინდივიდუალური თემატური გადაღებაა, სადაც არც ჟურნალისტი აჩქარებთ და არც ნიუსის ფორმატი ზღუდავთ.
მალხაზ ხუნდაძე tv- 25-ის გუნდს თითქმის წელიწადია კვლავ შემოუერთდა. იმუშავა როგორც საინფორმაციო სამსახურში, ისე - დარგობრივ გადაცემებშიც. რაც უფრო მრავალფეროვანია ფორმატები, შემოქმედების არეალიც ფართოვდება და პროფესიონალური ფანტაზიისაც.
პრინციპულები, ეთიკურები, ობიექტურები, საჭირო დროს საჭირო დოზით მკაცრები და მონთხოვნები - ასეთები ვართ ჟურნალისტები, რომლებიც მთელი წელი ვმუშაობთ თქვენთვის. მთელი წელი ველით თქვენს პასუხებს, წლის ბოლოს კი - თქვენს შეფასებებს.
1
s
s
s