მას შემდეგ, რაც ქვეყანაში კორონავირუსის მიზეზით, სასწავლო პროცესი შეჩერდა, მოსწავლეები სწავლების დისტანციურ რეჟიმზე გადავიდნენ. ამავე ფორმით განათლების მიღებაში მოზარდები თანატოლებსაც ეხმარებიან. თათია, ზურა და მამუკა სოციალური პასუხისმგებლობის მაგალითები არიან. ისინი ცდილობენ, რომ საკუთარი ცოდნა ისეთ მოქალაქეებსაც გაუზიარონ, რომელთაც განათლების მიღების საშუალება არ აქვთ.
თათია ქათამაძე მეათე კლასის მოსწავლეა. სწავლის პარალელურად, უკვე ერთი წელია „ამერიკული კუთხი“ -ის მოხალისეობრივ საქმიანობაშია ჩართული. თათიას მოხალისეობა მატერიალურ მხარდაჭრას არ გულისხმობს. იგი თანატოლებს საკუთარი ინტელექტით ეხმარება. მსურველებს, სრულიად უანგაროდ, ინგლისური ენის შესწავლაში ეხმარება. ინტელექტუალური მოხალისეობა არც პანდემიის დროს შეუწყვიტავს. ლექციებს იგი ონლაინ ატარებს.
ზურაც ამერიკული კუთხის მოხალისეა. იგი ახალგაზრდებს ინტერნეტში მუშაობას, სხვადასხვა აპლიკაციების გამოყენებას და ოპერაციების შესრულებას ასწავლის. ამბობს, რომ ამით ხულოს მუნიციპალიტეტის და ადგილობრივი ახალგაზდების განვითარებისთვის საკუთარი წვლილი შეაქვს.
ინტელექტუალურ მოხალისეობას „ამერიკული კუთხე“ უკვე მეოთხე წელია ახორციელებს. პრგრამა ამ ეტაპზე მხოლოდ ბათუმსა და ხულოში მუშაობს. მიზანი განათლების ხელმისაწვდომობის გაზრდააა იმ ბავშვებისთვის, რომლებსაც შესაბამისი მატერიალური მდგომარეობა არ გააჩნიათ.
„არ შეაჩერო განვითარება შინ“ - პანდემიის პირობებში კამპანია დაიწყო „ბათუმის ახალგაზრდობის რეგიონულმა ცენტრმაც“. ონლაინ ლექციებს ცენტრი აჭარის ნებისმიერი მუნიციპალიტეტის ახალგაზრდებისთვის კითხულობს.
აჭარის ახალგაზრდული მოხალისეობა, როგორც წარმატებული მაგალითი, გასულ კვირას აღიარეს ევროპის რეგიონთა ასაბლეამ და ხმელთაშუ ზღვის კავშირის ქვეყნებმაც.
5
s
s
s