26, მაისი 2020 21:10:00
ეს ახალშენის საბავშო ბაღის საძირკველია, რომელიც არ აშენდა. შვიდი წლის წინ დაწყებული სამუშაოები წელს უნდა განახლებულიყო, თუმცა არა აქ, არამედ ახალი და მის მიმდებარედ. დაპირება წელსაც დაპირებად რჩება. სკოლამდელი აღზრდის დაწესებულება სოფელს არც ახალი სასწავლო წლისთვის ექნება.
ოპოზიციიის ინფორმაციით, ამ კონკრეტული პროექტის გარდა, გაურკვეველი ვადით, ხელვაჩაურში კიდევ თვრამეტამდე პროექტი გაჩერდა. საპირისპიროს ამტკიცებს ხელვაჩაურის მერი, თუმცა ჯუმბერ ვარდმანიძე ვერ აკონკრეტებს, რა სახის სამუშაოები მიმდინარეობს. მუნიციპალიტეტის პირველმა პირმა ვერ შესაბამისი მტკიცებულება მოგვაწოდა. ოპოზიციაში ამბობენ, რომ სამუშაოები იმ პროექტებზე დაპაუზდა, რომლებიც მოსახლეობისთვის სასიცოცხლოდ მნიშვნელოვანია.
პანდემიის მიზეზით, პროექტები გაჩერებულია ქობულეთშიც. მათ შორის, ტურისტული ინფრასტრუქტურის მოწყობა სანაპიროზე. „ნაციონალური მოძრაობის“ წევრი ბონდო თედორაძე ამბობს, რომ მერიამ მხოლოდ ის პროექტები შეაჩერა, რომლებისგანაც მაღალჩინოსნები მოგებას ვერ ნახავდნენ.
ბათუმში, არსებულ ხარვეზებზე საუბრობენ პარტია „ლელო საქართველოში“. აქ ფიქრობენ, რომც როცა ტურიზმი პრიორიტეტია, ქუჩების კეთილმოწობა, თუნდაც გარეუბნებში, ასევე, გონიოში სანაპირო ზოლის მოწესრიგება და საჭირო ინვენტარის აღჭურვა დროში არ უნდა იწელებოდეს.შენიშვნაზე მერიის ინფრასტრუქტურის სამსახურში პასუხობენ, რომ თანხების მობილიზება , რომლითაც დაგეგმილი პროექტები უნდა განეხორციელებინათ, პანდემიის პირობებში ვერ მოხერხდა.
ნუსხა, თუ აჭარის რომელ მუნიციპალიტეტში, რომელი კონკრეტული პროექტი შეჩერდა პანდემიის მიზეზით, მერიებისგან ვერ მივიღეთ, თუმცა,შესრულებიასთან ერთად, შესყიდვების გამოცხადების პროცესიც რომ შეჩერებულია, კარგად ჩანს იმ ოფიციალურ ვებ-გვერდზე, სადაც ელექტრონული ტენდერები ცხადდება.