27, მაისი 2020 17:07:00
ზღვის სეზონზე, კორონავირუსის გავრცელების პრევენციისთვის მოქალაქეებს პლაჟზე წესების დაცვა მოუწევთ. ადამიანები ვალდებულნი იქნებიან დაიცვან სოციალური დისტანცია როგორც წყალში ბანაობისას, ისე ხმელეთზე. განსხვავებული სეზონისთვის ბათუმის ბულვარიც მოემზადება. აჭარის ტურიზმისა და კურორტის დეპარტამენტში აცხადებენ, რომ ჯანდაცვის სამინისტროს მიერ დადგენილ რეკომენდაციებს უახლოეს პერიოდში გამოაქვეყნებენ.