28, მაისი 2020 10:25:00
ხვალიდან. ბათუმში მიკროავტობუსების მძღოლები განაახლებენ მუშაობას. ბათუმის მერის თქმით, მძღოლებსა და მგზავრებს გარკვეული წესების დაცვა მოუწევთ. მგზავრობისას აუცილებელია პირბადის ტარება, ასევე ტრანსპორტში გამორთული უნდა იყოს კონდენციონერების სისტემა და ფანჯრები ღია მდგომარეობაში უნდა იყოს.
"მძღოლები უზრუნველყოფილი უნდა იყვნენ სადეზინფექციო ხსნარებით. მგზავრების მოთხოვნის შემთხვევაში უნდა შეძლონ მიწოდება. რაც შეეხება მუნიციპალურ ავტობუსებს, ჯერ კიდევ აკრძალვების დაწესებამდე, მის უკანა სალონში განვათავსეთ დისპენსერები და მგზავრებს ნებისმიერ დროს შეუძლიათ გამოიყენონ ხსნარები'' - აცხადებს ლაშა კომახიძე.