ხვალიდან, საზოგადოებრივი ტრანსპორტი მოძრაობას იწყებს. მუშაობას განაახლებენ მიკროავტობუსებიც. თუმცა, გარკვეული რეკომენდაციების დაცვა აუცილებელი იქნება. მთავარი, რაც მგზავრებს მოეთხოვებათ- პირბადის ტარება და სოციალური დისტანციაა. აიკრძალება ფეხზე დგომა. პროცესს ზედამხედველობას ბათუმის მერია და შინაგან საქმეთა სამინისტრო გაუწევენ.
ფეხზე მდგომი მგზავრების გადაყვანას მიკროავტობუსის მძღოლებს, ადმინისტრაციულ სამართალდარღვევათა კოდექსი უკრძალავს. 2010 წლის ოქტომბრიდან ბათუმში ეს რეგულაცია დაამტკიცა საკრებულომაც. გადაცდომა, ორივე შემთხვევაში 100 ლარიან ფულად ჯარიმას ითვალისწინებს. მიუხედავად ამისა, ამ ნაწილში არც კანონი სრულდება და არც ადგილობრივი თვიმართველობის დადგენილება. პროცესს არავინ აკონტროლებს და ხალხით სავსე სამარშუტო ტაქსებიც იშვიათობა არ არის.
დღეს, იგივე მოთხოვნას, მგზავრთა გადამყვან კომპანიებს და მძღოლებს კორონავირუსთან ბრძოლის საკოორდინაციო საბჭოს გადაწყევტილებაც უყენებს. მძღოლი, რომელიც ვირუსის გავრცელების პრევენციისთვის დაწესებულ მოთხოვნას არ დაემორჩილება, ასევე 100 ლარით დაჯარიმდება. სპეციალური განცხადება გუშინ ქვეყნის პრემიერ-მინისტრმა გააკეთა.
ის, რომ არ დაირღვას ანონი და რეგულაცია, ან დარღვევის შემთხვევაში მოჰყვეს რეაგირება, პროცესს მაკონტროლებელი ყავს. თუ რამდენად ეფექტურად მუშაობდა კონტროლის მექანიზმი, ორი თვის წინ არსებული მდგომარეობაც მოწმობდა. ვინ და რა ფორმით გააკონტროლებს ვითარებას უკვე პანდემიის შემდეგ, ეს 29 მაისიდან გამოჩნდება. პასუხისმგებლობა, ახალი დადგენილებით მუნიციპალურ ინსპექციას ეკისრება. ჯარიმის გამოწერა კი საპატრულო პოლიციის პრეროგატივაა.
ორთვიანი აკრძალვის შემდეგ მუნციპალური ტრანსპორტი და სამარშრუტო ტაქსები სამუშაოს ხვალიდან განაახლებენ. გარდა იმისა, რომ ეკრძალებათ ფეხზე მდგარი მგზავრების გადაყვანა, მთავრობა მათ კიდევ რამდენიმე აუცილებელ მოთხოვნას უყენებს.
რაც შეეხება საქალაქთაშორისო მიმოსვლას და მგზავრთა გადაყვანას აჭარის მუნიციპალიტეტების მიმართულებით, იგი ნებადართული 8 ივნისიდან ხდება. მგზავრთა გადამყვანი კომპანიები მთავრობისგან შესაბამის რეგულაციებს ელოდებიან.
4
s
s
s