03, ივნისი 2020 21:44:00
ხარვეზები პირველკლასელთა რეგისტრაციის პროცესში. ახლა მესამე ეტაპი მიმდინარეობს, რომელიც 5 ივნისის ჩათვლით გაგრძელდება. რეგისტრაცია დილის 9 საათზე იწყება და სკოლებში არსებული თავისუფალი ადგილები რამდენიმე წამში ივსება. შესაბამისად, მშობლებს შვილები ხშირად იმ სკოლების კარებს მიღმა რჩებათ, რომელიც ტერიტორიულად მათთან ახლოს მდებარეობს. მოზარდებს განათლების მისაღებად შორ მანძილზე გადაადგილება უწევთ. რა ხარვეზებზე საუბრობენ მშობლები და დარგის სპეციალისტები? ჩემი კოლეგა არკვევდა.
6 წლის ანჟელიკას სურვილი, რომ შეესრულებინა, დედამ სარეგისტრაციოდ სამზადისი ნაადრევად დაიწყო. დროის დაზოგვის მიზნით, ფაილში მონაცემები მოამზადა და პროცესს დილაადრიან 9 საათზევე შეუდგა. სასურველ ზოგადსაგანმანათლებლო დაწესებულებად პირველი და მეორე საჯარო სკოლები მიუთითა, თუმცა გადატვირთული სერვერის გამო მცდელობა უშედეგო აღმოჩნდა. ასე გახდა ანჟელიკა მეოცე საჯარო სკოლის მოსწავლე:
შორენა კეშელავა ერთადერთი არ არის, ვისაც პროცესმა დისკომფორტი შეუქმნა. კიდევ ერთი მშობელი, რომელიც სისტემაში ხარვეზს ხედავს პაატა აროშიძეა.
ხარვეზები, რომ არსებობს, ამაზე ღიად საუბრობენ დარგის ექპერტებიც. თამარ მოსიაშვილი სისტემაში 2 პრობლემურ საკითხს ხედავს: საგანმანათლებლო დაწესებულებების სიმცირე ბავშვების რაოდენობასთან შედარებით და უბნის სკოლების არაპოპულარობა. სპეციალისტი თვლის, რომ რეგისტრირების სირთულე და ქაოსი სწორედ ამ გარემოებებს უკავშირდება. მოსიაშვილის მოსაზრებით, ერთ-ერთი გამოსავალი რეგულაციების მიღებაშია, რომელიც შეზღუდვების დაწესებას და უპირატესობის პრინციპის ამოქმედებას მოიაზრებს.
მას, ვისაც კანონის ინიცირების უფლებამოსილება გააჩნია, არ ფიქრობს, რომ ამის აუცილებლობა არსებობს. უფრო მეტიც, აჭარის უმაღლესი საბჭოს განათლების, კულტურის და სპორტის კომიტეტის თამჯდომარეს მიაჩნია, რომ შეზღუდვები ვერ იმუშავებს. გამოსავალს ვლადიმერ მგალობლიშვილი არა რეგულაციებში, არამედ სკოლების შენებაში ხედავს.
იგივე პასუხი გაგვცეს ხაჯიშვილის უწყებაშიც. ამ კუთხით მუშაობის დამადასტურებელ ფაქტად მინისტრის მოადგილემ ციფრები მოიყვანა. ჯემალ სურმანიძემ გვითხრა, რომ ა ელექტრონულ რეგისტრაციაში არსებულ ხარვეზებზეც იციან და სტატისტიკასაც იცნობენ, თუმცა რაც მიმდინარე წლისთვის მოახერხეს ის არის, რომ 8 სკოლის მშენებლობა დაიგეგმა. ხაჯიშვილის მოადგილე გვიმტკიცებს, რომ უბნის სკოლების არაპოპულარობით არ სარგებლობს, უფრო მეტიც, ცენტრალურ და პერიფერიულ ნაწილში მდებარე ზოგადსაგანმანათლებლო დაწესებულებებს ერთნაირი შესაძლებლობები აქვს.
სკოლების გარეშე არ, თუმცა სასურველი სკოლის კარს მიღმა წელსაც სავარაუდოდ ბევრი პირველკლასელი დარჩება.