05, ივნისი 2020 17:09:00
თორნიკე რიჟვაძე არ ადასტურებს ინფორმაციას იმის შესახებ, რომ საპარლამენტო არჩევნებზე მაღალმთიანი აჭარის მაჟორიტარი დეპუტატობის კანდიდატი იქნება. რეგიონის პირველი პირის თქმით, კადრების დაკომპლექტების საკითხზე კონსულტაციები მიმდინარეობს, თუმცა თვითონ საარჩევნო პროცესში არ ჩაერთვება. დღეს, პარტიის ოფისში შეხვედრა გაიმართა, სადაც შიდა პარტიული საკითხები განიხილეს. წარადგინეს „ქართული ოცნების“ ბათუმისა და ქობულეთის საარჩევნო შტაბის ხელმძღვანელები. ბათუმის საარჩევნო შტაბს გიორგი მანველიძე უხელმძღვანელებს, ხოლო ქობულეთის საარჩევნო შტაბს მირიან ქათამაძე.