კოვიდ19-ი და ვირუსის პრევენცია ჩვენ თითქმის ყველა ასპექტში შევაჯამეთ, თუმცა არის კიდევ ერთი სფერო და სეგმენტი, რომელსაც აუცილებლად უნდა შევეხოთ. სექსმუშაკები და კორონავირუსი. ეს ის სფეროა, სადაც ფიზიკური შემხებლობიდან გამომდინარე დაავადების გავრცელების რისკი საკმაროდ მაღალია. შედარებისთვის, ნიუ-იორკის ჯანდაცვის დეპარტმანეტი ადამიანებს სექსის დროს პირბადის გამოყენებას ურჩევს. ჩვენთან რეკომენდაციებზე საუბარიც კი ზედმეტია, რადგან პროსტიტუცია ამ ეტაპზე კვლავ უკანონო საქმიანობად რჩება.
ეს ქალაქის ის ერთ-ერთი ადგილია, სადაც სექს-მუშაკები თავს იყრიან. მომსახურებას ყოველდღიურად ეწევიან. მუშაობის შეჩერება არც პანდემიის პირობებში შეუწყვიტავთ. მაშინ, როცა კომენდანტის საათი მოქმედებდა, მოთხოვნას ემორჩილებოდნენ, თუმცა არავინ ამოწმებდა, როგორ იყო დაცული მათთან ურთიერთობისას კორონავირუსის გავრცელების პრევენციისთვის აუცილებელი სხვა მოთხოვნები.
არის თუ არა, ან რამდენად მაღალია ქუჩაში, სექს-მუშაკების მომსახურებისას კორონავირუსის გავრცელების რისკი? – ამ ეტაპზე საქართველოში ასეთი მონაცემი არ დაფიქსირებულა, თუმცა თუ გავითვალისწინებთ იმას, რომ COVID-19-ით დაინფიცირების რისკი მაღალია 2-მეტრიანი სოციალური დისტანციის დაუცველობისას, ასევე ნერწყვით, ხველებითა და ცემინებით, გავრცელების საფრთხის არსებობა სადაო არავისთვისაა.
კორონავირუსის გავრცელებისთვის სქესობრივი კავშირი, რომ განსაკუთრებით სექს-მუშაკებთანაა საფრთხის შემცველი, ამბობენ ეპიდემიოლოგებიც. ამბობენ, რომ აუცილებელია მოხდეს თითოეული მათგანის ტესტირება.
არასამთავრობო ორგანიზაცია „თანადგომა“ სხვადასხვა მიმართულებით სექს-მუშაკებთან მრავალი წელია მუშაობს. პანდემიის პირობებეში, რომ მომსახურება განსაკუთრებით რისკის შემცველია, არც აქ უარყოფენ, თუმცა ნათია ხარატი საუბრობს იმ სირთულეებზეც, რაც საქმიანობის უსაფრთხოების კონტროლთან არის დაკავშირებული.
რამდენად ხდებოდა ვირუსის გავრცელების რისკებს მართვა სექს-მუშაკებთან და შესაძლებელი იყო თუ არა მისი მონიტორინგი ? დაავადებთა კონტროლის ეროვნულ ცენტრში არ გვიპასუხეს.
17
s
s
s