აჭარის საპატრულო პოლიციის მთავარ სამმართველოს კახა ბუხრაძე აღარ უხელმძღვანელებს. შინაგან საქმეთა სამინისტროს გადაწყვეტილებით იგი მოღვაწეობას კვლავ ქვემო ქართლის საპატრულო პოლიციის დეპარტამენტის უფროსის რანგში გააგრძელებს. ადვოკატი თენგიზ კახიძე ამტკიცებს, რომ ვაკანტურ პოზიციას ლევან მაისურაძე დაიკავებს, რომელიც ქვემო ქართლის საპატრულო პოლიციის დეპარტამენტს ხელმძღვანელობდა. ადვოკატი ამბობს, რომ ბუხრაძემ აჭარაში 5 თვიანი მმართველობის პერიოდში საზოგადოებას თავი უარყოფითად დაამახსოვრა. მისი გათავისუფლების მოთხოვნით აქციები ბათუმში მიმდინარეობდა. შსს-ს განმარტებით, კახა ბუხრაძის ქვემო ქართლის საპატრულო პოლიციის ხელმძღვანელად გადაყვანა 11-12 მარტის მოვლენებს არ უკავშირდება. შეგახსენებთ, მარტში ბათუმში მასშტაბური პროტესტის ერთ-ერთი მოთხოვნა სწორედ ბუხრაძის დაკავებული თანამდებობიდან გადაყენება იყო.
21
s
s
s