01, ივლისი 2020 16:23:00
მას შემდეგ, რაც საქართველოს პარლამენტმა საკონსტიტუციო ცვლილებები დაამტკიცა, საარჩევნო სისტემის შეცვლაზე მუშაობა დაიწყო აჭარის უმაღლეს საბჭოშიც. რეგიონის კონსტიტუციაში შესატანი ცვლილებები დღეს პირველი მოსმენით დაამტკიცეს. საბოლოო ცვლილებამდე, კიდევ ორი კენჭისყრა უნდა მოხდეს. რა შედეგით დასრულდა დღევანდელი რიგგარეშე სხდომა
აჭარის კონსტიტუციაში შესატანი ცვლილებები პირველი მოსმენით უკვე დამტკიცებულია. შერეულ, თუმცა პროპორციულთან მაქსიმალურად მიახლოებულ საარჩევნო სისტემას მხარი 15 დეპუტატმა დაუჭირა. მმართველი დუნდის წევრებთან ერთად, წარდგენილი კანონპროექტი მოიწონა დამოუკიდებელმა დეპუტატმა, მერაბ ბლადაძემ. ცვლილებების მიხედვით, აჭარაში 18 დეპუტატი პროპორციული სიით მოხვდება, მაჟორიტარი კი 6-ის ნაცვლად სამი იქნება: ბათუმის, ქობულეთის და მარალმთიანი აჭარის. ხელვაჩაურიდან ნაწილი ქობულეთს, ნაწილი კი მაღალმთიან მაჟორიტარულ ოლს უერთდება.
საკონსტიტუციო ცვლილებებს მხარი არ დაუჭირეს „ნაციონალური მოძრაობის“ წევრებმა. ფრაქცია არც სხდომას დასწრებია. განაცხადეს, რომ ისინი სრულად პრორპორციულ მოდელზე ორიენტორებულ კანონპროექტს ელოდებოდნენ. თქვერს, რომ „ქართულმა ოცნებამ“ 8 მარტის შეთანხმება სრულად არ შეასრულა. ამავე არგუმენტით, კენჭისყრაში მონაწილოება არც „ევროპული საქართველოს“ წევრმა - პეტრე ზამბახიძემ მიიღო.
მმართველ გუნდში დარწმუნებული არიან, რომ ახალი საარჩევნო სისტემა, უმაღლესი საბჭოს დაკომპლექტების პროცესში სამართლიანობის პრინციპს გაზრდის და ახალი წესის დანერგვით, არც 8 მარტის შეთანხება ირღვევა.
ცვლილებების კონსტიტუციურობას ეჭვქვეშ აყენებს მალხაზ ნაკაშიძე. სპეციალისტი ამბობს, რომ კენწჭისყრამდე აჭარის მთავრობას უნდა უზრუნველეყო კანონპროექტის საჯარო განხილვები და წარმოედგინა სრულად პროპორციული მოდელი.
საკონსტიტუციო ცვლილებების პირველ კენჭისყრას არც „ნინო ბურჯანაძე - ერთიანი საქართველოს“ წევრი - გიორგი ცინცქილაძე ესწრებოდა. დეპუტატმა ჩვენს სატელეფონო ზარებს არ უპასუხა.