08, ივლისი 2020 17:12:00
ბათუმში, შემოდგომიდან ელექტროავტობუსები გამოჩნდება. ამის შესახებ ბათუმის მერმა სოციალურ ქსელში დაწერა. პირველ ეტაპზე რვა ახალი, თეთრი ფერის ავტობუსი შემოვა და 70 მგზავრზე იქნება გათვლილი. ტრანსპორტი ადაპტირებული იქნება შეზღუდული შესაძლებლობის მქონე პირებისთვისაც. დამონტაჟებული იქნება თანამედროვე სტანდარტის გათბობა და კონდიცირება. ელექტრო ავტობუსების დატენვა შესაძლებელი იქნება 10 წუთის განმავლობაში. იბიარდის მიერ გამოცხადებული ტენდერის გამარჯვებული, კომპანია ,,BKM”-ია. ღირებულება 4 მილიონ ევროს შეადგენს.