ლაშა კომახიძე მასზე დაკისრებული მოვალეობის შესრულებას სამი წლის წინ შეუდგა. მართალია კანონით მინიჭებული ოთხწლიანი უფლებამოსილების ვადა ჯერ არ გასვლია, თუმცა ბათუმის მერი თანამდებობას მაინც ტოვებს. იგი საქართველოში მე-6, რეგიონში კი მეორე მერია, რომელიც პოსტს ისე ტოვებს, რომ არ ამბობს გადაწყვეტილების მოტივს.
სამი წლის წინ, როცა მერობისთვის ემზადებოდა და საარჩევნო პროგრამას ამუშავებდა, საკუთარ თავს მაღალ სტრანდარტებს უწესებდა, სწორედ ამიტომ, აცხადებდა, რომ გამარჯვების შემთხვევაში იმ დაპირებების შესასრულებლად, რასაც გასცემდა, ოთხი წელი საკმარისი არ იქნებოდა, თუმცა ღრმად გვარწმუნებდა, რომ ბათუმის მომდევნო მერებს ქალაქის განვითარების სახელმძღვანელო დოკუმენტს დაუტოვებდა. დღეს აღმოჩნდა, რომ შესაძლოა კანონით მინიჭებული ოთხწლიანი უფლებამოსილების ვადა, ბოლომდე არ გამოიყენოს და მერობაზე უარი თქვას.
რა შეასრულა და ვერა სამ წელში ლაშა კომახიძემ - სხვადასხვა პერიოდებში წარმოდგენილ ანგარიშებში საკუთარ და მერიის სამსახურებთან ერთად გაწეულ სამუშაოზე საქებარს ბევრს გვასმენინებდა. მაგალითად, რამდენად ეფექტური აღმოჩნდა სტრუქტურული რეორგანიზაცია, როგორ გაართვა თავი გარევაჭრობას, და სხვა. უკანასკნელად, სოციალურ ქსელში ელექტროავტობუსების შემოყვანაზეც დაწერა, თუმცა ძირეული დაპირებები არაერთხელ გახდა საზოგადოების პროტესტის საფუძველი. ერთ-ერთი ასეთი დაპირება მერად არჩევამდე, მშენებლობის კონტროლს და კულტურული მემკვიდრეობის დაცვას უკავშირდებოდა.
სწორედ იმიტომ, რომ დაპირება პრაქტიკაში არ გადმოიტანა, ლაშა კომახიძის წინააღმდეგ არერთი საპროტესტო აქცია და დავა დაიწყო. ერთ -ერთი პირველი მასშტაბური პროტესტი მაშინ აგორდა, როცა „სილქ როუდ ჯგუფის“ სასარგებლოდ, რივიერას ტერიტორია ბათუმის ისტორიული დაცვის ზონიდან გამოიტანა, ოფიციალურ განხილვაზე კი ბათუმელებს სხვა დოკუმენტი წარუდგინა და ირწმუნებოდა, რომ ცათამბრჯენები აქ არ აშენდებოდა.
შემდეგი იყო ბრძოლა ე.წ. ლუჟკოვის სახლის წინააღმდეგ, სადაც სამი ცათამბჯენი შენდება. ბათუმელებს ბევრი დავა და საპროტესტო წერილის გაგზავნა მოუხდათ ისტორიული ქალაქის დასაცავადაც. ამისთვის შეიქმნა ორგანიზაცია - „დაიცავი ძველი ბათუმი“, ქალაქელები გაერიანდნენ პორტში, კლარბამიდის ტერმინალის მშენებლობის წინააღმდეგაც. ერთ-ერთ უკანასკნელ სკანდალში კი ლაშა კომახიძე მაშინ გაეხვა, როცა „ამბასადორთან“ დაკავშირებით, საკრებულოს თავმჯდომარეს შეტყობინებით მიუთითა, არ ამოეღოთ საკითხი დღის წესრიგიდან.
მხოლოდ კამპანიის ნაწილი აღმოჩნდა ადაპტირებული გარემოს შექმნის დაპირებაც. ეს მერის წინასაარჩევნოდ გაკეთებული განცხადებაა:
2017 წლის 21 ოქტომბერს, ხმა ძლიერ ბათუმს მისცა, თუმცა დღეს დამოუკიდებლად თუ ნების საწინააღმდეგოდ კიდევ უფრო ძლიერი ამბიცია აქვს. სოციალურ ქსელში, არასწორ მისამართზე გაგზავნილი შეტყობინების საფუძველზე, წყარომ გვაცნობა, რომ 2020 წლის 31 ოქტომბრის საარჩევნო სიაში მოხვედრას იგი ირაკლი კობახიძეს სთხოვდა. იგივე წყაროზე დაყრდნობით მერის მოსალოდნელი გადადგომის შესახებ, „TV 25“-მა რამდენიმე დღის წინ გაახმოვანა. ჩვენი ინფორმაციით, მისი გაშვება თორნიკე რიჟვაძეს სურს, ადგილს კი არჩილ ჩიქოვანს უმზადებს, რომელიც აჭარის მთავრობის აპარატის უფროსი და ამავდროულად, თორნიკე რიჟვაძის მეჯვარეა.
ეს არ არის პირველი შემთხვევა, როცა, ლაშა კომაახიძის გადადგომასთან დაკავშირებით მოლოდინები არსებობს. შესაძლო წასვლასთან დაკავშირებით, პირველი ეჭვები 2018 წელს გაჩნდა, როცა აჭარის მთავრობის თავმჯდომარემ საქმიანობა დაუწუნა. მაშინ არსებობდა მოლოდინი, რომ ხულოს მერის, გოჩა მელაძის შემდეგ თანამდებობას სწორედ ბათუმის მერი დატოვებდა.
4
s
s
s