16, ივლისი 2020 18:37:00
ვერ შესრულებული 4 წელი ანუ დატოვებული სავარძელი და უპახუხოდ დარჩენილი მთავარი კითხვა - რატომ გადადგა ლაშა კომახიძე. ბოლო რამდენიმე წლის განმავლობაში თითქოსდა პოლიტიკურ ტრენდად იქცა ამომრჩევლის წინაშე აღებულ პასუხიმგებლობაზე გაქცევა და გადაწყვეტილების გამართლება ზოგადი პასუხებით, მათ შორის გუნდური მიდგომებით. ვინ როგორ ხედავს კომახიძის სვლას? პოლიტიკოსების შეფასებები სალომე უსტალიშვილმა მოისმინა.
დავით ბაციკაძე ერთ-ერთია მმართველი გუნდიდან, ვისაც ქალაქის უკვე ყოფილი მერის, ლაშა კომახიძის ვადაზე ადრე, თანამდებობიდან წასვლის შეფასება ვთხოვეთ. ფიქრობს, რომ გადადგმულ კონკრეტულ ნაბიჯზე შეფასება, მხოლოდ, თავად ლაშა კომახიძეს უნდა ვთხოვოთ, თუმცა აჭარის უმაღლესი საბჭოს დეპუტატი აღნიშნავს, რომ როცა ქალაქის ბედი ბათუმელებმა მას მიანდეს და ვალდებულებები ბოლომდე არ შეუსრულებია, წასვლა გამართლებული ვერ იქნება.
კიდევ ერთი წევრი „ქართული ოცნებიდან“, მერაბ კარანაძე ამბობს, რომ ლაშა კომახიძეს, როგორც მერს, შესაძლებლობები ამოეწურა და წასვლაც ამიტომ გადაწყვიტა. რამდენად უპასუხისმგებლო აღმოჩნდა არჩეული, თუმცა უკვე ყოფილი მერის გადაწყვეტილება ბათუმელების წინაშე, კარანაძეს პასუხი არ აქვს. ამბობს, რომ მას არც ლაშა კომახიძესა და თორნიკე რიჟვაძეს შორის არსებული უთანხმოების შესახებ აქვს ინფორმაცია.
ირაკლი ჭეიშვილი განვითარებულ მოვლენებს არ აფასებს, ამბობს, რომ დაგაწყვეტილებაში დამოუკიდებელი იყო ამის უფლება ჰქონდა. რაც შეეხება დაწყებულ და დაუსრულებელ საქმეებს, ჭეიშვილი აცხადებს, რომ მიტოვებულ პროექტებს მოადგილეები გააგრძელებენ.
უპასუხისმგებლობის მაგალითა -შეფასება „ნაციოანლურ მოძრაობას“ ეკუთვნის. გია აბულაძე ამბობს, რომ ხალხის მიერ არჩეულ მერს, თანამდებობა ამომრჩეველთან განმარტებების გარეშე არ უნდა დაეტოვებინა.
პარტია „ლელო საქართველოსთვის“ წევრი, ირაკლი კუპრაძე ამბობს, რომ ბათუმის მერიაში მიმდინარე პროცესი, ბათუმელი ამომრჩევლის წინაშე დანაშაულია. კუპრაძე აცხადებს, რომ ლაშა კომახიძემ პოზიცია იმ შანტაჟის გამო დათმობს, რასაც "ქართული ოცნება" აჭარაში ეწევა.
სინქრონი- ირაკლი კუპრაძე- „ლელო საქართველოსთვის“წევრი
ისევე, როგორც სხვა დანარჩენ პოლიტიკურ სუბიექტებში “ემსახურე საქართველოშიც“ -ფიქრობენ, რომ ლაშა კომახიძეს პოსტი ნებაყოფლობით არ დაუტოვებია, რომ მის წასვლაში აჭარის მთავრობის თავმჯდომარის ხელი ურევია. მედეა ვასაძე ამბობს,რომ თორნიკე რიჟვაძეს მისთვის სანდო პირებს შემოკრება სურს.
ლაშა კომახიძე ბათუმის მერად 2017 წელს აირჩიეს. მას უფლებამოსილების ვადა 2021 წელს ეწურებოდა. იგი ქვეყნის მასშტაბით, მეექვსე არჩეული მერია, ვინც თანამდებობა დატოვა.