ბათუმის მერის მოვალეობას არჩილ ჩიქოვანი შეასრულებს. ვინ არის ახალი ვიცე მერი, რომელმაც ქალაქი დაახლოებით ერთი წლის განმავლობაში უნდა მართოს? ის, ვისაც მოქალაქეების პრობლემების გადაჭრა არჩევნების გარეშე ანდეს, წინა ხელისუფლების პირობებში, სამართალდამცავ უწყებებში მუშაობდა. ქართული ოცნების მმართველობის პერიოდში კი საჯარო უწყებში გამოჩნდა. ჩიქოვანი რეგიონის პირველი პირის მეგობარია, თორნიკე რიჟვაძე კი მისი მეჯვარეა. სად იკვეთება გავლენები და ახლობლობა
ეს ბათუმის ახალი ვიცე-მერია. არჩილ ჩიქოვანისა და ქვეყნის მესამე პრეზიდენტის ერთობლივი ფოტო 2007 წლით თარიღდება. მაშინ ჩიქოვანს აჭარაში სპეციალურ-ოპერატიული დეპარტამენტის ხელმძღვანელობა ებარა. წინა ხელისუფლების დროს, მაშინდელ სამართალდამცავ უწყებებში, დღეს უკვე ბათუმის მერის მოვალეობის შემსრულებელი, ეტაპობრივად დაწინაურდა.
მერე იყო ქართული ოცნება. სამართალდამცავი უწყებებიდან სამთავრობო სტრუქტურაში ჩიქოვანი 2013 წელს გადაიყვანეს. აჭარის საავტომობილო გზების დეპარტამენტში კი რეგიონის მთავრობის აპარატის მონიტორინგის დეპარტამენტიდან მოხვდა.
აჭარის საავტომობილო გზების დეპარტამენტში მუშაობის პერიოდს ოპოზიცია კითხვითი ნიშნებით იხსენებს. დარღვევები გაასაჯაროვა სახელმწიფო აუდიტის სამსახურმაც.
დღეს კი, დაწერა თუ არა განცხადება უკვე ყოფილმა მერმა, მთავრობამ შემცვლელის ძებნა დაიწყო. პოვნა არ გაჭირვებია, თორნიკე რიჟვაძემ კომახიძის სავარძელი მას შესთავაზა, ვინც ყველაზე ახლოდ ჩათვალა. ახლო კი მთავრობის აპარატში იპოვა. ასე აღმოჩნდა არჩილ ჩიქოვანი დღეს ლაშა კომახიძის კაბინეტში. ეს კი მას ნიშნავს, რომ ყოფილი ძალოვანი ბათუმს არჩევნების გარეშე ერთ წელზე მეტ ხანს მართავს.
მთავრობის მოქმედი თავმჯდომარე თორნიკე რიჟვაძე არჩილ ჩიქოვანის მეჯვარეა. შემქნის თუ არა რეგიონის პირველი პირის და ახლა უკვე ბათუმის ვიცე -მერის პირადი ურთიერთობები პრობლემებს მმართველობაში? კითხვების დასმა ადრესატებითვის გვინდოდა. როგორც აღმოჩნდა, ჩიქოვანს ძალოვანი უწყებების წარმომადგენლებისთვის დამახასიათებელი მიდგომები დღემდე გამოყვა. მან ჩვენს სატელეფონო ზარებს არ უპასუხა. არ გვიპასუხა არც მთავრობის თავმჯდომარემ.
6
s
s
s