გენდერული უთანასწორობა პოლიტიკაში. მას შემდეგ, რაც „ქართული ოცნების მაჟორიტარობის“ კანდიდატების სია ცნობილი გახდა, კიდევ ერთხელ დავრწმუნდით, რომ მმართველ გუნდს პოლიტიკაში ქალების ჩართვა არ სურს. პარტიის 30 რჩეულიდან 29 კაცია. რატომ არ იცავს სახელისუფლებო ძალა გენდერულ ბალანსს?
„ქართული ოცნების“ მიერ დასახელებულ 30 მაჟორიტარი დეპუტატობის კანდიდატს შორის, ქალი მხოლოდ ერთია. წარმოდგენილ სიაში, ერთადერთი ქალი კანდიდატი - ნინო ლაცაბიძე კენჭს რუსთავში იყრის. ოთხი შვილის დედა - კანდიდატის დახასიათებისას, „ქართულმა ოცნებამ“ ყურადღება სწორედ მრავალშვილიანობაზე გაამახვილა.
სიებში, გენდერული ბალანსის დაცვას, ხელისუფლება ბოლო წელბში აქტიურად ცდილობდა. „საარჩევნო კოდექსში“ ბოლო ცვლილება ქვეყნის პარლამენტმა ცოტა ხნის წინ დაამტკიცა. კანონის მოთხოვნის მიხედვით, სიაში, ყოველი მეოთხე პირი, განსხვავებული სქესის უნდა იყოს, თუმცა ეს ჩანაწერი მხოლოდ პროპორციულ სიაზე ვრცელდება. გენდერული ბალანსის დაცვა პოლიტიკურ სუბიექტებს, მაჟორიტარული სიის შედგენისას არ მოეთხოვებათ.
„გენდერული თანასწორობის ქსელი“- ქალების პოლიტიკურ ცხოვრებაში აქტიურ ჩართულობას წლებია ცდილობს, თუმცა როგორც თამილა დოლიძე აცხადებს, რომ ამ კონკრეტულ შემთხვევაში, ქალისთვის მაჟორიტარობა გაცილებით რთულია, ამიტომ პროპორციულ სიაში ყოფნა მათთვის გაცილებით უსაფრთხოა.
მიუხედავად იმისა, პირდაპირი ვალდებულება არ არსებობს, ოპოზიციაში მმართველ გუნდს წარმოდგენილი ბალანსისთვის მაინც აკრიტიკებენ. „ერთიან ნაციონალურ მოძრაობაში“ ამბობენ, რომ „ქართული ოცნებისთვის“ გენდერული თანასწორობა უინტერესოა.
გენდერული დისბალანსი არ უკვირთ პარტიაში - „ლელო საქართველოსთვის“. აქ ამბობენ, რომ „ქართული ოცნება“, აქცენტს, ყოველთვის, გავლენიან ოლიგარქებზე აკეთებს, ასეთი ქალები კი ნაკლებად არიან.
რატომ მხოლოდ ერთი ქალი და 29 კაცი?! შეფასება „ქართულ ოცნებაშიც“ ვითხოვეთ, თუმცა განმარტების გაკეთება აჭარის უმაღლესი საბჭოდან არცერთმა ისურვა.
5
s
s
s