ხელვაჩაურში, მეზობლები იმ მიწაზე დაობენ, რომელიც მათი საკუთრება არაა. სახელმწიფო ტერიტორიისთვის კონფლიქტი ჯამში, შვიდ წელს ითვლის. ინეზა ჯიხაძე მერაბ ფერცელიძის მიერ უკანონოდ შეღობილ გზას აპროტესტებს. როგორც გვიყვება, ფერცელიძემ, პირადი სარგებლობისთვის არსებული გზა შეღობა და მას სავალი ნაწილი თითქმის არ დაუტოვა. მუნიციპალიტეტის მერიისთვის მრავალი მიმართვის შემდეგ, საქმე იქამდე მივიდა, რომ დავა სასამართლომ უნდა განიხილოს.
უნებართვოდ შემოღობილი სახელმწიფო ქონება და მეზობლებს შორის წარმოქმნილი კონფლიქტი, რომელიც შვიდ წელს ითვლის. ხელვაჩაურის მუნიციპალიტეტის სოფელ ახალსოფელში, მერაბ ფერცელიძემ პირადი სარგებლობისთვის, ახელმწიფო ბალანსზე არსებული გზა ისე შეღობა, რომ მეზობელს, ინეზა ჯიხაძეს სავალი ნაწილი თითქმის არ დაუტოვა. ინეზა ამბობს, რომ მეზობლის თვითნებობის გამო, იგი სახლის ასაშენებლად სამანქანე მისადგომით ვეღარ სარგებლობს. ამბობს, რომ ღობის აღებას მეზობელს წლების განმავლობაში ამაოდ სთხოვდა. უკანონოდ მითვისებული ნაკვეთის გათავისუფლებას, ვერც მერიაში შეტანილი განცხადებებით მიაღწია.
მერაბ ფერცელიძე კამერასთან არ გამოჩნდა. მხოლოდ პირად საუბარში გვითხრა, რომ სამანქანე გზა, რომელიც შეღობა, მისი წინაპრების მემკვიდრეობა იყო და არ აქვს ინფორმაცია, როდის ან რატომ გახდა იგი სახელმწიფო ქონება. ფიქრობს, რომ გადაცდომა აზომვისას, ნახაზებშია დაშვებული.
მეზობლებს შორის არსებულ დავას ხელვაჩაურის მერიაში იცნობენ. ამბობენ, რომ სხვისი ქონების თვითნებური მითვისებისთვის, მერაბ ფერცელიძე დაჯარიმდა, თუმცა მერიას ღობის დემონტაჟი არ მოუთხოვია. მუნიციპალიტეტის მერი აცხადებს, რომ დავა სასამართლოში ფერცელიძის წინააღმდეგ, როგორც მეზობელს, ისე მერიას აქვს შეტანილი და საბოლოო შედეგიც სასამართლოს დასრულებისთანავე დადგება.
ხელვაჩაურის რაიონულ სასამართლოში მხარეებმა სარჩელი ერთი თვის წინ შეიტანეს. თუმცა სასამართლო სხდომა ჯერ არ ჩანიშნულა.
16
s
s
s