20, იანვარი 2017 08:19:00
წინასწარ პატიმრობაში მყოფ ვაჟა ხინიკაძის ოჯახის წევრებმა, ახლობლებმა და თანასოფლელებმა დღეს აჭარის უმაღლესი საბჭოს წინ აქცია გამართეს. მათ აჭარის საკანონმდებლო ორგანოს წევრებს პროკურატურასთან დნმ-ის ანალიზის ჩასატარებლად შუამდგომლობას თხოვენ. აქციის მონაწილეები დარწმუნებული არიან, რომ ანალიზი ვაჟა ხინიკაძის უდანაშაულობას დაადასტურებს. მათი განმარტებით ხინიკაძე უსამართლოდაა დაკავებული და მას ნარკოტიკული საშაულება ჩაუდეს. მათივე მტკიცებით ოჯახს უარს ეუბნებიან იმ ვიდეომასალის მიღებაზეც, სადაც ვაჟა ხინიკაძის დაკავებაა დაფიქსირებული. ახლობლების განმარტებით, შეუსაბამოა პროკურატურის მხრიდან წარმოდგენილი მოწმეების ჩვენებებიც და არც ის ტაქსის მძღოლი დაუკითხავთ, საიდანაც ხინიკაძე აიყვანეს. აქციის მონაწილეებთან შეხვედრაზე გამოსულმა დეპუტატები მათ იურიდიული კუთხით დახმარებას დაჰპირდნენ. თუ ფაქტზე რეაგირება არ მოხდება ვაჟა ხინიკაძის ოჯახის წევრები მასშტაბური აქციებით იმუქრებიან.