04, აგვისტო 2020 21:42:00
"დაგვიბრუნეთ პოლიციის ნდობა" - ამ შინაარსის პლაკატებით, ბათუმის საქალაქო სასამართლოსთან წინასწარ პატიმრობაში მყოფი ბეგლარ ხოზრევანიძის ახლობლებმა აქცია გამართეს. დაცვის მხარე ამბობს, რომ პოლიციელმა ბრალდებულს სიტყვიერი და ფიზიკური შეურაცხყოფა მიაყენა, რის შემდეგაც ხოზრევანიძე დააკავეს. ადვოკატის განმარტებით, იგი პატიმრობაში უკანონოდ იმყოფება. ზაზა პაპიძის თქმით, სამართალდამცველმა გია გოგოლაძემ უფლებამოსილებას გადააჭარბა და დანაშაული ჩაიდინა, თუმცა ის პოლიციაში მუშაობას კვლავ აგრძელებს. გამოძიება 353-ე პრიმა მუხლით მიმდინარეობს, რაც პოლიციელზე თავდასხმას გულისხმობს.