17, აგვისტო 2020 18:46:00
პოლიციამ ის პირები დააკავა, რომლებმაც შუახევში, სოფელ ჩანჩხალოში ყაჩაღურად თავს დაესხნენ "ლიბერთი ბანკის" გამსვლელ მოლარე-ოპერატორს და მას ფიზიკურად გაუსწორდნენ. სამართალდამცველებმა ბრალდებულები ქედაში, ცხელ კვალზე, იმ დროს დააკავეს, როდესაც ისინი მიმალვას ცდილობდნენ. ძალოვანი უწყების წარმომადგენლებმა გატაცებული თანხა ნივთმტკიცების სახით, სრულად ამოიღეს. ასევე, ნივთმტკიცებად ამოღებულია დანაშაულის ჩადენის იარაღი - დანა. გამოძიება სისხლის სამართლის კოდექსის 179-ე მუხლის, მეორე ნაწილის "ბ" ქვეპუნქტით მიმდინარეობს, რაც თავისუფლების აღკვეთას 6-დან 9 წლამდე ვადით ითვალისწინებს.