20, იანვარი 2017 11:24:00
პრობლემის აქტუალობა მოსახლეობის განწყობიდანაც მარტივად აღიქმება. მიზეზებთან დაკავშირებითაც განსხვავებული ვერსიები აქვთ, თუმცა უმრავლესობა პრობლემის სათავეს სამუშაო ადგილებისა და კვალიფიციური კადრების სიმცირეში ხედავს.
პრობლემა, რომ კომპლექსურია ამას ადასტურებს აჭარის დასაქმების სააგენტოს ხელმძღვანელიც. დასაქმების ხელშეწყობის უზრუნველსაყოფად სააგენტო წელს 2 ახალი ქვეპროგრამის განხორციელებას გეგმავს. რომლითაც შშმ პირთა პროფესიული გადამზადებისა და დასაქმების ხელშეწყობის გარდა კადრების არაფორმალური განათლების გზით კვალიფიკაციის ამაღლებაც უნდა მოხდეს.
გარდა აღნიშნულისა ცვლილებები შევიდა „პროფესიული გადამზადების“ ქვეპროგრამაშიც.
დასაქმების ხელშეწყობის უზრუნველსაყოფად სააგენტომ წელს 801 000 ლარი უნდა დახარჯოს. აღნიშნული ბიუჯეტით სააგენტო ერთი პროგრამას და 4 ქვეპროგრამას განახორციელებს.
უმუშევრობა ყველაზე აქტუალურ პრობლემად გამოიკვეთა NDI-ის კვლევის თანახმადაც, რომლის მიხედვითაც გამოკითხული 3 141 პირიდან 58 %-მა მთავარ პრობლემად სწორედ სამუშაო ადგილების სიმცირე დაასახელა. აჭარის დასაქმების სააგენტოს შუამდგომლობით დასაქმება გასულ წელს 1 663 პირმა შეძლო.