14, ივნისი 2017 17:07:00
ბათუმი ტურისტულ სეზონს მოუმზადებელი ხვდება. ამის შესახებ განცხადება „ნაციონალური მოძრაობის“ წევრმა გააკეთა. მირდატ ქამადაძემ მაგალითად გონიოს ტერიტორიაზე სანაპირო ზოლში მოუწესრიგებელი ინფრასტრუქტურა დაასახელა. ოპოზიციური პარტიის წარმომადგენელი სახელისუფლებო გუნდს სლოგანისთვის „ზაფხული იწყება აქ“ აკრიტიკებს და მიუთითებს, რომ ტურსტული სეზონის დაწყება არა მხოლოდ ქალაქის ცენტრალურ ნაწილში, არამედ პერიფერიებშიც უნდა იგრძნობოდეს. ქამადაძე გონიოს სანაპირო ზოლში გარე განათებების, საშხაპეებისა და სველი წერტილების მოწყობას ითხოვს.