"რეგიონში დაძაბული ეპიდემიოლოგიური ვითარებაა, თუმცა უკონტროლობა და პანიკის საფუძველი ნამდვილად არ არის" - ამის შესახებ აჭარის ჯანდაცვის მინისტრმა განაცხადა. ნინო ნიჟარაძის თქმით, ყველა პაციენტის ჯანმრთელობის მდგომარეობა კონტროლდება და ხდება მათი კონტაქტების მიდევნება. მისივე განამრტებით, რეგიონში შემთხვევების მზარდი დინამიკაა და ძირითადად ყველაზე მეტი შემთხვევა სწორედ ბათუმში ფიქსირდება.
ნინო ნიჟარაძემ აღნიშნა ისიც, რომ პაციენტების მკურნალობის პროცესში უკვე 6 სამედიცინო დაწესებულებაა ჩართული. ასევე, უფასო PCR ტესტირება ბათუმის ხუთ პოლიკლინიკასა და ორ კარავში მიმდინარეობს.
მინისტრის ინფორმაციითვე, საავადმყოფოს შემდგომი მეთვალყურეობის ზონისთვის 350 საწოლი გამოიყო. საჭიროების შემთხვევაში კი მობილიზებული იქნება 600-მდე საწოლი.
„ჩვენ უკვე ავამუშავეთ საავადმყოფოს შემდეგი მეთვალყურეობის ზონა, სადაც სამედიცინო ბრიგადა ახორციელებს პაციენტების მეთვალყურეობას. ასევე, გამოვნახეთ დამატებითი საწოლები. გასული ორი დღის განმავლობაში ჩვენთან ერთად მუშაობდა ჯანდაცვის სამინისტრო და რეგულირების სააგენტო. 350 საწოლი იდენტიფიცირებულია აღნიშნული პირებისათვის, თუმცა არ გამოვრიცხავთ, რომ პროტოკოლში გარკვეული ცვლილებები შევიდეს, მაგრამ შემიძლია ვთქვა, რომ არც ერთი დაავადებული არ იქნება ყურადღების მიღმა”, - განაცხადა ნიჟარაძემ.
7
s
s
s