15, სექტემბერი 2020 10:23:00
ბათუმში, ხიმშიაშვილის ქუჩაზე მდებარე წმინდა ეკატერინეს სახელობის სათნოების სავანეში კარანტინი გამოცხადდა. შენობაში სხვა პირების შესვლა აიკრძალა. აიკრძალა ეზოდან ბენეფიციართა გამოსვლაც.
თავშესაფრის საკარანტინე სივრცედ გამოცხადების მიზეზი კორონავირუსი გახდა. COVID19-ი გუშინ, 5 ბენეფიციარსა და 1 თანამშრომელს დაუდასტურდათ. ისინი ამ ეტაპზე სამედიცინო დაწესებულებებში არიან მოთავსებულნი. როგორც სავანეს დირექტორის თქმით, მათ ვირუსის სიმპტომები არ აღენიშნებათ. უცნობი რჩება ინფიცირების პირველწყაროს ვინაობა.
რაც შეეხება თავშესაფარში მყოფ სხვა ბენეფიციარებს, PCR ტესტირების შედეგად, კორონავირუსი არცერთს დაუდასტურდა. დღის განმავლობაში შენობაში სადეზინფექციო სამუშაოები ჩაუტარდება.
შეგახსენებთ, წმინდა ეკატერინეს სახელობის სათნოების სავანე 120 ბენეფიციარსა და 70 თანამშრომელს ითვლის.