14, ივნისი 2017 20:08:00
ირაკლი მანველიძე შოთა რუსთაველის უნივერსიტეტის წინააღმდეგ. პროფესორმა ბათუმის საქალაქო სასამართლოს კიდევ ერთხელ მიმართა. იგი ბსუ-ს სოციალურ მეცნიერებათა ფაკულტეტის დეკანის არჩევნების შედეგების ბათილად ცნობას ითხოვს. საქმე ეხება 2014 წელს ჩატარებულ არჩევნებს, სადაც მანველიძემ დეკანის უფლებამოსილება მოიპოვა, თუმცა ფაკულტეტის ერთ-ერთი საბჭოს წევრის განცხადების შემდეგ შედეგები გაუქმდა და განმეორებით არჩევნებში სხვა პიროვნებამ გაიმარჯვა. პროფესორი ამბობს, რომ პირველ ჯერზე სასამართლოს სამივე ინსტანციამ მისი მოთხოვნა ნაწილობრივ დააკამყოფილა, თუმცა აღნიშნული აქტი ძირეულად არ შეცვლილა. მანველიძე დარწმუნებულია, რომ თუ სასამართლო ამჯერად უნივერსიტეტისთვის მიუღებელ გადაწყვეტილებას მიიღებს, სასწავლებელი რეორგანიზაციას გამოაცხადებს, რათა ფაკულტეტი საერთოდ გაუქმდეს. ბსუ- იურისტის განცხადებით, საგანმანათლებლო დაწესებულება კანონმდებლობის შესაბამისად მოქმედებდა და ხელახალი არჩევნები არ დაუნიშნავს, რადგან მანველიძეს ქეთევან ბერიძის არჩევა არ გაუსაჩივრებია.