01, ოქტომბერი 2020 13:03:00
ინფექციური პათოლოგიის, შიდსის და კლინიკური იმუნოლოგიის ცენტრის ინფორმაციით, 1-ლი ოქტომბრის მონაცემებით, საქართველოში აივ ინფიცირების 418 ახალი შემთხვევა დაფიქსირდა.
„მთლიანობაში ინფექციური პათოლოგიისა და შიდსის ცენტრში 2020 წლის 1 ოქტომბრის მონაცემებით, 8 520 აივ ინფიცირებული პირია რეგისტრირებული, მათ შორის 6 362 კაცია და 2 158 კი ქალი. პაციენტთა უმრავლესობა 29-დან 39 წლამდეა. შიდსი 4 340 პაციენტს განუვითარდა, 1 766 გარდაიცვალა. 2020 წელს გარდაიცვალა 131 აივ ინფიცირებული.
1-ლი ოქტომბრის მონაცემებით, მკურნალობას იტარებს 5 297 პაციენტი, მათ შორის 46 ბავშვია.
ყველაზე მეტი შემთხვევა რეგისტრირებულია თბილისში - 3169 შემთხვევა (მათგან 87 უცხოეთის მოქალაქეა, 2 -დაუდგენელი); სამეგრელოში -1168; იმერეთში 1020; აჭარაში- 974; აფხაზეთში- 529; კახეთში -427, ქვემო ქართლში -485; შიდა ქართლში -316; გურიაში -181; სამცხე-ჯავახეთში -113 და ა.შ.
სულ საქართველოში გამოვლენილია 116 აივ ინფიცირებული ბავშვი. მათ შორის 70 - ვაჟი, 46 - გოგონა. 27 გარდაიცვალა. 3 გავიდა ქვეყნიდან”,-აღნიშნულია ინფორმაციაში.