06, ოქტომბერი 2020 21:45:00
კულტურული მემკვიდრეობის ძეგლის სტატუსი მქონე ხიდი განადგურების პირას. უხარისხოდ შესრულებული სამუშაოების გამო სავალალო მდგომარეობაში აღმოჩენილი კონსტრუქცია რამდენიმე დღის წინ ჩაინგრა. არადა ნაგებობას ტურუსტული თვალსაზრისით მომხიბვლელი ადგილმდებარეობა აქვს. რატომ არ იჩენს ყურადღებას ადგილობრივი ხელისუფლება მრავალსაუკუნოვანი ობიექტის მიმართ?
ეს მეთორმეტე საუკუნის ხიდია, რომელიც კულტურული მემკვიდრეობის სტატუსს 2013 წლიდან ატარებს. მას რესტავრაცია რამდენჯერმე ჩაუტარდა, ბოლოს 2015 წელს. მრავალსაუკუნოვანი ნაგებობა ხელვაჩაურის მუნიციპალიტეტის სოფელ მახოში მდებარეობს. აქ მცხოვრებლები ამბობენ, რომ სარემონტო სამუშაოები არაჯეროვნად შესრულდა, რის გამოც, ხის კონსტრუქცია მალევე დაზიანდა. ბოლო დროინდელი უამინდობისას კი ჩამოიშალა ქვებიც.
ადგილობრივების თქმით, ხიდი ოთხ სოფლს ერთმანეთთან აკავშირებს, დაზიანების გამო, კი მათ შემოვლითი გზით, ფეხით რამდენიმე კილომეტრის გავლა უწევთ.
აჭარის კულტურული მემკვიდრეობის დაცვის სააგენტოს ხიდის შესაკეთებლად ამ ეტაპზე თანხა არ აქვს. ორგანიზაცია წელს არც კონსტრუქციის დაზიანების ხარისხის შესწავლას გეგმავს. მიზეზს ოლეგ ბოლქვაძე ასე ხსნის:
ხელვაჩაურის მერი ამბობს, რომ ხიდი სტიქიური მოვლენების დროს დაზიანდა. ჯუმბერ ვარდმანიძის თქმით, კონსტრუქციის აღდგენითი სამუშაოებისთვის სამზადისს მალე დაიწყებენ.
კულტურული მემკვიდრეობის ძეგლის რესტავრახცია 2015 წელს განხორციელდა და 33 ათასი ლარი დაიხარჯა. სამუშაოები ტენდერში გამარჯვებულმა კომპანიამ 10 წლიანი გარანტიით შეასრულა, თუმცა როგორც სააგენტოში განმარტეს, სტიქიური მოვლენის შედეგად დაზიანებული ხიდის შეკეთების ვალდებულება კომპანიას არ გააჩნია.